ట్రెండింగ్
రోడ్డు ప్రమాదంలో వ్యక్తి మృతి
Andhra Pradesh Telugu | Suryaa Desk | Published : Mon, Nov 07, 2022, 11:22 AM
రోడ్డు ప్రమాదంలో వ్యక్తి మృతి చెందిన సంఘటన భీమినేని వారి పాలెం వద్ద ఆదివారం జరిగింది. కాకుమాను మండలం కొండపాటురు గ్రామానికి చెందిన కొమ్మూరి రత్నాకర్ కొద్ది రోజుల క్రితం మేడికొండూరులోని తన బంధువుల వద్దకు వచ్చారు. తన బావను ద్విచక్ర వాహనంపై సత్తెనపల్లి రైల్వే స్టేషన్లో వదిలిపెట్టి తిరిగి మేడికొండూరు బయలుదేరారు. భీమినేని వారి పాలెం వద్దకు వచ్చేసరికి వెనుకగా వస్తున్న పత్తిలోడు ట్రాక్టర్ ద్విచక్ర వాహనాన్ని బలంగా ఢీ కొట్టింది. ఈ ప్రమాదంలో ద్విచక్ర వాహనంపై ప్రయాణిస్తున్న రత్నాకర్(56) కు తీవ్ర గాయాలయ్యాయి. స్థానికులు 108 వాహనంలో గుంటూరు ప్రభుత్వ ఆసుపత్రికి తరలించారు. అక్కడ చికిత్స పొందుతూ మృతి చెందారు. మేడికొండూరు ఎస్సై శ్రీనివాసరావు కేసు నమోదు చేసి దర్యాప్తు చేస్తున్నారు.
|
|