ట్రెండింగ్
కార్తీక మాసం రెండవ సోమవారం ప్రత్యేక పూజలు
Bhakthi | Suryaa Desk | Published : Mon, Nov 07, 2022, 11:42 AM
కార్తీక మాసం రెండవ సోమవారం పురస్కరించుకొని మండల కేంద్రం అమృతలూరు లోని శ్రీ అమృతేశ్వరస్వామి ఆలయంలో ప్రత్యేక పూజలు సోమవారం నిర్వహించారు. ఈ సందర్భంగా విఘ్నేశ్వర పూజ, శ్రీ అమృతేశ్వర స్వామివారికి మహాన్యాస పూర్వక ఏకాదశ రుద్రాభిషేకం, విశేష నీరాజనాలు మంత్ర పుష్పాలు, నిర్వహించి విశేషంగా అలంకరించారు. అమ్మవారికి కుంకుమార్చన పూజాధి కార్యక్రమాలు నిర్వహించారు. హారతి, మంత్రపుష్పం నిర్వహించి భక్తులకు తీర్థప్రసాదాలు అందజేశారు. ఆలయ అర్చకులు నాగలింగం బాలామృత బాపేశ్వరరావు, నాగలింగం రామకృష్ణ, చావలి కుమార్ లు పూజాధికాలు నిర్వహించారు. భక్తులు తెల్లవారుజాము నుండి అధిక సంఖ్యలో విచ్చేశారు. పూజాది కార్యక్రమాల్లో ప్రవాస భారతీయులు డా. పరుచూరి మీనాక్షి - సీతారామాంజనేయులు దంపతులు పాల్గొన్నారు.
|
|