ట్రెండింగ్
కృష్ణ మృతికి మచిలీపట్నంలో అభిమానులు సంతాపం
Andhra Pradesh Telugu | Suryaa Desk | Published : Tue, Nov 15, 2022, 02:12 PM
కృష్ణా జిల్లా మచిలీపట్నంలో మంగళవారం తెలుగు సినీ పరిశ్రమలో మహానటుడు, సూపర్ స్టార్ కృష్ణ అకాల మృతి తెలుగుజాతికి బాధాకరమని, మంచి మనిషి అయినా కృష్ణ మన మధ్య లేకపోవడం మాకు తీవ్ర దిగ్భ్రాంతికి గురిచేసిందని అభిమానులు అన్నారు.మచిలీపట్నం కోనేరు సెంటర్లో మంగళవారం నాడు కృష్ణ చిత్రపటం వద్ద నివాళులర్పించారు. కృష్ణ అభిమాన సంఘాలు మహేష్ బాబు అభిమానులు దిగ్బ్రాంతి వ్యక్తం చేశారు. ఇటీవలే తల్లిని, ఇప్పుడు తండ్రిని కూడా కోల్పోయిన మహేష్ బాబు కుటుంబానికి తీరని వేదన కలిగిస్తుందని, బందరు నగర ప్రజల తరఫున మహేష్ బాబు కుటుంబానికి తాను ప్రగాఢ సానుభూతి అభిమానులు తెలియచేశారు. అకాల మృతితో శోకసముద్రంలో మునిగిపోయిన అభిమానులు, మనోధైర్యం తెచ్చుకోవాలన్నారు తెలుగుదేశం పార్టీ మాజీ మంత్రి కొల్లు రవీంద్ర, తెలుగుదేశం నాయకులు కోనేరు సెంటర్లోని కృష్ణ చిత్రపటం నివాళులర్పించారు.
|
|