రౌడీయిజం మూలాలపై ఉక్కుపాదం... విజయవాడ పోలీసుల కొత్త తరహా కౌన్సింగ్
Andhra Pradesh Telugu | Suryaa Desk | Published : Sat, Nov 19, 2022, 11:41 PM
రౌడీయిజంను అంతమోదించాలంటే వాటి మూలాలపై ఉక్కుపాదం మోపాలని విజయవాడ పోలీసు నిర్ణయం తీసుకొన్నారు. ఈ క్రమంలోనే పోలీసులే రౌడీషీటర్ల ఇంటికి వెళ్తున్నారు. వెళ్తూ, వెళ్తూ.. పండ్లు, స్వీట్లు పట్టుకెళ్తున్నారు. ఇంటికి వెళ్లడమే కాకుండా..... వారి కుటుంబసభ్యుల యోగక్షేమాల గురించి.. వాకబు చేస్తున్నారు. మీకు మేమున్నామంటూ భరోసా ఇచ్చే ప్రయత్నం చేస్తున్నారు. రౌడీషీటర్ల ఇళ్లకు పోలీసులు వెళ్లడం ఏంటని అనుకుంటున్నారా. ఇదే.. బెజవాడ పోలీసుల ట్రేడ్ మార్క్ కౌన్సిలింగ్.
రౌడీషీటర్లను స్టేషన్లకు పిలిచి పద్దతి మార్చుకోవాలంటూ తమదైన శైలిలో కౌన్సిలింగ్ ఇవ్వటం.... పాత పద్ధతి. విజయవాడ పోలీసులు దీనికి స్వస్తి పలికారు. కౌన్సిలింగ్ లో కొత్త పద్ధతికి తెరతీశారు. కాస్త వినూత్నంగా రౌడీ షీటర్లకు కౌన్సిలింగ్ ఇస్తూ వారిలో పరివర్తన తెచ్చేందుకు ప్రయత్నిస్తున్నారు బెజవాడ పోలీసులు.
ఇందులో భాగంగా నేరుగా రౌడీ షీటర్ల ఇళ్లకు వెళ్తున్నారు పోలీసులు. వారి కుటుంబ సభ్యులతో.. మమేకమవుతున్నారు. మంచిగా బతకండి.. మీకు మేమున్నామంటూరౌడీషీటర్లకు భరోసా ఇస్తున్నారు. రౌడీషీటర్లలో పరివర్తన రావాలంటే.. కుటుంబసభ్యుల పాత్ర కీలకమని గుర్తించి ఈ విధానానికి శ్రీకారం చుట్టారు విజయవాడ పోలీసులు. పోలీసుల యత్నాన్ని రౌడీషీటర్ల కుటుంబసభ్యులతో పాటుగా స్థానికులు కూడా మెచ్చుకుంటున్నారు. ఫ్రెండ్లీ పోలీసింగ్ ఇదేనంటూ కొనియాడుతున్నారు.
|
|