తానెవ్వరో జర్నలిస్టుకు వివరణ ఇచ్చిన బాలీవవుడ్ స్టార్ హీరో రణవీర్ సింగ్
international | Suryaa Desk | Published : Mon, Nov 21, 2022, 07:54 PM
సెలబ్రేటీలు ఒక్కోసారి తమోవ్వరో కూడా ఇతరులకు వివరణ ఇచ్చుకోవాల్సి వస్తుంది. ఇదిలావుంటే బాలీవుడ్ స్టార్ హీరో రణవీర్ సింగ్ కు అబుదాబిలో జరిగిన ఫార్ములా వన్ రేసులో విచిత్రమైన అనుభవం ఎదురైంది. ఓ జర్నలిస్టు రణవీర్ సింగ్ ను చూసి ఎవరో అనుకున్నాడు. ఇటీవల అబుదాబిలో ఫార్ములా వన్ గ్రాండ్ పిక్స్ కార్ల రేస్ జరిగింది. ఈ పోటీలకు రణవీర్ సింగ్ ఇండియన్ బ్రాండ్ అంబాసిడర్ గా హాజరయ్యాడు.
సాధారణంగా రణవీర్ బయట విచిత్రమైన వేషధారణతో కనిపిస్తుంటాడు. ఈ పోటీలకు కూడా తనదైన శైలిలో దుస్తులు, కళ్లకు కామిక్ అద్దాలు ధరించి వచ్చాడు. కాగా, అబుదాబి ఫార్ములా వన్ రేసు న్యూస్ కవరేజికి వచ్చిన మాజీ ఎఫ్1 డ్రైవర్, ప్రస్తుతం జర్నలిస్టుగా కొనసాగుతున్న మార్టిన్ బ్రండిల్... రణవీర్ సింగ్ ను చూసి ఓ కార్ రేసింగ్ అభిమానిగా భావించాడు.
రణవీర్ ఉత్సాహం ఉప్పొంగేలా మాట్లాడడం చూసి... మీరెవరు? అంటూ ప్రశ్నించాడు. అయితే, రణవీర్ ఇగోని పక్కనబెట్టి ఎంతో హుందాగా బదులిచ్చాడు. 'నేను బాలీవుడ్ నటుడ్ని. ముంబయి నుంచి వచ్చాను. నేను ఒక ఎంటర్టయినర్ ని' అని వివరించాడు. దాంతో శుభాకాంక్షలు చెప్పి ఆ జర్నలిస్టు అక్కడ్నించి నిష్క్రమించాడు. దీనికి సంబంధించిన వీడియోలు సోషల్ మీడియాలో సందడి చేస్తున్నాయి.
|
|