స్వాతి నక్షత్రం సందర్భంగా విశేష పూజలు
Andhra Pradesh Telugu | Suryaa Desk | Published : Tue, Nov 22, 2022, 12:34 PM
శ్రీమహావిష్ణువుల వారి అవతారాలలో ఒకటైన నరసింహ స్వామి వారి జన్మ నక్షత్రమైన స్వాతి నక్షత్రం సందర్భంగా మంగళవారం మహాలక్ష్మి సమేత నరసింహ స్వామి వారి ఆలయాలలో విశేష పూజలు నిర్వహించారు. ప్రొద్దుటూరు పట్టణంలోని వైఎంఆర్ కాలనీలోని సత్యనారాయణ స్వామివారి ఆలయం లోని సుదర్శన నరసింహ స్వామి వారికి, సినీ హబ్ సమీపంలోని మహాలక్ష్మి సమేత నరసింహ స్వామి వారికి, మండలంలోని నరసింహాపురం లోని మహాలక్ష్మి సమేత నృసింహస్వామి వారికి స్వాతి నక్షత్రం సందర్భంగా విశేష పుష్పాలంకరణ, తులసీమాల సమర్పణ, విశేష పూజలు, అర్చనలు, అలంకరణలు, మహా నివేదనం, మహా మంగళ హారతి వంటి విశేష కార్యక్రమాలు నిర్వహించారు. ఈ సందర్భంగా పెద్ద సంఖ్యలో భక్తులు పాల్గొని స్వామివారిని దర్శించుకొని, కాయ, కర్పూరం సమర్పించుకుని వేడుకున్నారు. భక్తులకు ఆలయ కమిటీ వారు తీర్థ ప్రసాదాలు అందజేశారు. పలుచోట్ల అన్న ప్రసాద వితరణ నిర్వహించారు.
|
|