లోకేశ్‌ను చూస్తే వైసీపీ వారికి ఫ్యాంట్లు తడుస్తున్నాయి
Andhra Pradesh Telugu | Suryaa Desk | Published : Tue, Nov 29, 2022, 01:56 PM
చంద్రబాబు అధికారంలో ఉన్నప్పుడు ‘ప్రత్యర్థులందరినీ లేపేయాలని అనుకొంటే వైసీపీలో ఎవరైనా మిగిలేవారా? జగన్‌ పాదయాత్ర జరిగేదా? అధికారంలోకి వచ్చేవారా? ఇప్పుడు చంద్రబాబును, లోకేశ్‌ను చంపుతామని అనగలిగేవారా?’’ అని మాజీ ఎమ్మెల్యే యరపతినేని శ్రీనివాసరావు ప్రశ్నించారు. ‘‘చంద్రబాబును లేపేయాలన్న ప్రయత్నం గతంలోనే జరిగింది. అలిపిరిలో చంద్రబాబు వాహనంపై నక్సలైట్లు క్లెమోర్‌ మైన్స్‌ ప్రయోగించారు. రాజశేఖరరెడ్డికి ప్రధాన అనుచరుడైన ఎర్ర గంగిరెడ్డి ఈ దాడికి అవసరమైన అన్ని సాధనాలు వారికి సమకూర్చి, సహకరించాడు. వైసీపీలో ఉన్న అనేక మంది నేతలు హత్యా రాజకీయాల్లో ఆరితేరారు. చివరకు రాజశేఖరరెడ్డి సోదరుడు వివేకా కూడా వారి గొడ్డలి పోటుకు బలి కావాల్సి వచ్చింది. వైసీపీ ఎమ్మెల్యే తోపుదుర్తి ప్రకాశ్‌రెడ్డికి 1997 నుంచే నేర చరిత్ర ఉంది. లోకేశ్‌ను చూస్తే వైసీపీ వారికి ఫ్యాంట్లు తడుస్తున్నాయి. అందుకే ఆయనపై మాట్లాడుతున్నారు’’ అని యరపతినేని అన్నారు.
|
|