ఉచిత అంబులెన్స్ సేవలు ప్రారంభం
Andhra Pradesh Telugu | Suryaa Desk | Published : Sat, Dec 03, 2022, 01:53 PM
డాడీ హెల్పింగ్ ఫౌండేషన్ ద్వారా ప్రభాస్ సూర్య చేస్తున్న సేవా కార్యక్రమాలు స్ఫూర్తిదాయకమని ఏపీ ఎన్జీఓ సంఘ రాష్ట్ర సహధ్యక్షలు చౌదరి పురుషోత్తం నాయుడు కొనియాడారు. స్థానిక చైతన్య జూనియర్ కళాశాల ఆవరణలో శనివారం డాడీ హెల్పింగ్ ఫౌండేషన్ ఆధ్వర్యంలో ఉచిత అంబులెన్సు సేవలను లయన్స్ క్లబ్ చైర్మన్ నటుకుల మోహన్ తో కలసి శనివారం పురుషోత్తం నాయుడు ప్రారంభించారు. ఈ సందర్బంగా ఆయన మాట్లాడుతూ ప్రభాస్ అభిమానిగా డాడీ హెల్పింగ్ ఫౌండేషన్ ద్వారా ఉచిత అంబులెన్సు, ఫ్రీజర్ బాక్స్, , వంటి వాటితో పాటు నేటికీ సుమారు 700 రోజులుగా ప్రతిరోజూ పేదలకు భోజనాలు అందించడం అభినందనీయం అన్నారు. ముఖ్యంగా కరోనా విపత్కర పరిస్థితుల్లో వారు చేసిన సేవలు వెలకట్టలేనివని ప్రశంసించారు. ప్రముఖ వైద్యులు పి ఎల్ ఎన్ రాజు సహకారంతో ఉచిత అంబులెన్సు సేవలను తమ చేతుల మీదుగా ప్రారంభించడం ఆనందంగా ఉందన్నారు. గర్భిణీ స్త్రీలు, వృద్ధులు, పేదలకు అత్యవసర పరిస్థితుల్లో ఉచిత అంబులెన్సు సేవలు ఎంతగానో ఉపాయుక్తంగా ఉంటాయన్నారు.
|
|