ట్రెండింగ్
ట్రాక్టర్‌ కింద పడి రైతు మృతి
Andhra Pradesh Telugu | Suryaa Desk | Published : Wed, Dec 07, 2022, 12:12 PM
ట్రాక్టర్‌ టైరు పంక్చర్‌ అయి అదుపు తప్పి ట్రాలీ బోల్తా కొట్టడంతో దాని కింద పడి రైతు మృతిచెందిన సంఘటన ప్రకాశం జిల్లా, తాటూకుపాలెం-పెట్లూరు గ్రామాల మధ్య మంగళవారం చోటుచేసుకుంది. వివరాల్లోకి వెళ్ళితే .. మండలంలోని పెట్లూరు గ్రామ పం చాయతీ పరిధి చవటపాలేనికి చెందిన రైతు వేముల మాలకొండయ్య (50) తన ట్రాక్టర్‌ ట్రాలీ మరమ్మతులకు గురవడంతో కొండపి తీసుకువచ్చాడు. మరమ్మతులు చేయించుకొని ఇంటికి బయల్దేరాడు. తాటాకులపాలెం-పెట్లూరు గ్రామాల మధ్యకు చేరుకోగానే ట్రాక్టర్‌ ముందు టైరుకు పంక్చర్‌ పడింది. దీంతో అదుపుతప్పి పక్కనే ఉన్న చప్టా గోడదాటి గుంతలోకి వెళ్లింది. ఈ సమయంలో తప్పించుకునేందుకు మాలకొండయ్య ట్రాక్టర్‌ నుంచి కిందకు దూకాడు. ఆయనపై ట్రాలీ తిరగబడంతో అక్కడికక్కడే మృతి చెందాడు. ఈ ఘటనతో చవటపాలెంలో విషాదచాయలు అలముకున్నాయి.
|
|