జల్సాలకు అలవాటుపడి హత్య చేసి దొరికిపోయిన యువకుడు
Andhra Pradesh Telugu | Suryaa Desk | Published : Wed, Dec 07, 2022, 12:10 PM
కర్నూలు, మూడో పట్టణ పోలీస్‌స్టేషన్‌ పరిధిలోని మాధవనగర్‌లో జరిగిన సుబ్రహ్మణ్యంశర్మ హత్య కేసులో నిందితుడు దీపక్‌శర్మను పోలీసులు అరెస్టు చేశారు. వివరాల్లోకి వెళ్ళితే.... సుబ్రహ్మణ్యం శర్మ, తన కోడలు అరుణ, మనుమడు దీపక్‌ శర్మతో కలిసి స్థానిక మాధవనగర్‌లో నివాసముంటున్నాడు. మనవడు దీపక్‌శర్మ ఏ పనిపాటా లేకుండా తిరుగుతూ జల్సాలకు అలవాటు పడ్డాడు. దీంతో సుబ్రహ్మణ్య శర్మ పలుసార్లు మందలించాడు. తరచూ పౌరోహిత్యం నేర్చుకోవాలని చెబుతుండేవాడు. దీంతోపాటు దీపక్‌శర్మ తన ఖర్చుల కోసం సుబ్రహ్మణ్యం శర్మకు వచ్చే పింఛన్‌ డబ్బుల కోసం తరచూ వేధించేవాడు. దీనికితోడు కొద్ది కాలంగా దీపక్‌శర్మ మానసిక స్థితి సరిగా లేదు. ఈ నేపథ్యంలో ఈ నెల 3వ తేదీన సుబ్రహ్మణ్యం శర్మ, దీపక్‌ శర్మ మధ్య చిన్న వాగ్వివాదం జరిగింది. క్షణికావేశానికి గురైన దీపక్‌శర్మ ఇంట్లో ఉన్న మూడు కత్తులు తీసుకుని తాతపైన దాడి చేసి గాయపరిచాడు. ఈ ఘటనలో తాత శర్మ అక్కడికక్కడే మృతి చెందాడు.
|
|