వర్షాలకు ఉధృతంగా ప్రవహిస్తున్న వాగులు, వంకలు
Andhra Pradesh Telugu | Suryaa Desk | Published : Sat, Dec 10, 2022, 01:31 PM
మాండూస్ తుఫాన్ ప్రభావంతో నెల్లూరు జిల్లా వ్యాప్తంగా రాత్రి నుంచి ఎడతెరిపిలేకుండా వర్షం కురుస్తోంది. వర్షాలకు వాగులు, వంకలు పొంగిపొర్లుతున్నాయి. గూడూరులో పంబలేరు వాగు ఉధృతంగా ప్రవహిస్తోంది. చిల్లకూరు తిప్పగుంటపాలెంలో ఉప్పుటేరు వాగు ఉప్పొంగింది. గ్రామానికి రాకపోకలు నిలిచిపోవడంతో ప్రజలు తీవ్ర ఇబ్బందులు పడుతున్నారు. పంట పొలాలు నీట మునిగగా.. రైతులు తీవ్రంగా నష్టపోయారు. వేములపాలెం వాగు ఉప్పొంగటంతో సుమారు పది గ్రామాలకు రాకపోకలు నిలిచిపోయాయి. అటు... మాండోస్ తుఫాన్ ప్రభావంతో స్వర్ణముఖి నది, మామిడికాలువలలో వరద నీరు ఉధృతంగా ప్రవహిస్తోంది. పండ్లూరు సమీపంలో మామిడికాలువలో ఓ కారు చిక్కుకుపోయింది. వెంటనే రంగంలోకి దిగిన పోలీస్, ఎన్డీఆర్ఎఫ్ బృందం... కారును సురక్షితంగా బయటకు తీశారు. నెల్లూరు నుండి నాయుడుపేటకు వస్తుండగా పండ్లూరు మామిడి కాలువ వద్ద ఘటన చోటు చేసుకుంది.
|
|