విస్తృతంగా ప్రజల్లోకి పార్టీ కార్యక్రమాలను తీసుకెళ్లాలి
Andhra Pradesh Telugu | Suryaa Desk | Published : Sat, Dec 17, 2022, 04:30 PM
గడప గడపకు మన ప్రభుత్వం కార్యక్రమంపై నిర్లక్ష్యం వద్దు అని, ప్రజల్లోకి విస్తృతంగా వెళ్లాలని, ప్రభుత్వం చేస్తున్న మంచి పనులకు వివరించాలని ముఖ్యమంత్రి వైయస్‌ జగన్‌మోహన్‌రెడ్డి ఆదేశించారని మాజీ మంత్రి కురసాల కన్నబాబు చెప్పారు.సచివాలయ పరిధిలో ముగ్గురు కన్వీనర్ల నియామకం త్వరగా పూర్తిచేయాలని, అదే విధంగా గృహ సారథుల నియామకం కూడా చేపట్టాలని ఆదేశించారన్నారు. కన్వీనర్లు, గృహ సారథులను వ్యవస్థీకృతం చేయాలని సీఎం చెప్పారన్నారు. గృహ సారథుల నియామకం పూర్తిచేసి విస్తృతంగా ప్రజల్లోకి పార్టీ కార్యక్రమాలను తీసుకెళ్లాలని సూచించారన్నారు. కొందరు ఎమ్మెల్యేలు గడప గడపకు మన ప్రభుత్వంలో తక్కువ రోజులు పాల్గొన్నారని, మార్చి నాటికి కార్యక్రమం పూర్తిచేయాలని సీఎం ఆదేశించారన్నారు. వచ్చే మార్చిలో వర్క్‌షాపు ఉంటుందని, ఈలోగా వెనుకబడిన వారు వారి పనితీరు మార్చుకోవాలని సూచించారని మాజీ మంత్రి కన్నబాబు వివరించారు.
|
|