చంద్రబాబునాయుడు పర్యటనను విజయవంతం చేయండి
Andhra Pradesh Telugu | Suryaa Desk | Published : Wed, Dec 21, 2022, 12:49 PM
ఈనెల 22, 23, 24 తారీకుల్లో తెదేపా అధినేత మాజీ ముఖ్యమంత్రి నారా చంద్రబాబు నాయుడు విజయనగరం జిల్లాలో పర్యటించనున్న నేపథ్యంలో, ఆయన పర్యటన విజయవంతం చేయాలని తెదేపా సీనియర్ నేత, ఉత్తరాంధ్ర జోనల్ ఇన్చార్జ్ బుద్ధ వెంకన్న ప్రజలకు విజ్ఞప్తి చేశారు. మాజీ మంత్రి సుజయ్ నాయన మరియు బొబ్బిలి తెదేపా నియోజకవర్గ ఇన్చార్జ్ బేబీ నాయనలతో కలిసి బొబ్బిలి కోటలో చంద్రబాబు నాయుడు పర్యటన వివరాలను వెల్లడించారు. 23వ తారీఖున బొబ్బిలిలో రోడ్ షో ఉంటుందని, అదే విధంగా బహిరంగ సభ ఉంటుందని, 24వ తారీఖున రైతులతో ముఖాముఖి కార్యక్రమం ఉంటుందని, బొబ్బిలి అన్న క్యాంటీన్ని కూడా సందర్శిస్తారని బుద్ధ వెంకన్న తెలియజేశారు. "ఇదేం కర్మ" రాష్ట్రానికి అనే కార్యక్రమంలో భాగంగా చంద్రబాబు నాయుడు రాష్ట్ర యావత్తు పర్యటిస్తున్నారని, ప్రజల్లో అపూర్వ స్పందన వస్తుందని తెలియజేశారు. ప్రభుత్వ వైఫల్యాలను ఎండగడుతూ ముఖ్యమంత్రి చంద్రబాబునాయుడు పర్యటన విజయవంతంగా సాగుతుందని, వచ్చే ఎన్నికల్లో తెలుగుదేశం పార్టీ విజయం సాధిస్తుందని ఆశాభావం వ్యక్తం చేశారు. బొబ్బిలి రాజుల యొక్క నిస్వార్థ సేవలను గుర్తించి, వచ్చే ఎన్నికల్లో వారిని గెలిపించాలని ప్రజలకు విజ్ఞప్తి చేశారు. గత మూడున్నర సంవత్సరాలుగా ప్రభుత్వం అన్ని విధాలుగా వైఫల్యం చెందిందని ప్రభుత్వంపై ధ్వజమెత్తారు. మరిన్ని విషయాలను లోతుగా విశ్లేకరించారు. ఈ కార్యక్రమంలో మాజీ ఎమ్మెల్యే ఆర్పీ బంజ్ దేవ్, బొబ్బిలి తెదేపా నియోజకవర్గ స్థాయి, మండల స్థాయి, అసెంబ్లీ స్థాయి నాయకులు, తదితరులు పాల్గొన్నారు.
|
|