ఇంకొల్లు మండలంలో ట్యాబ్ ల పంపిణీ
Andhra Pradesh Telugu | Suryaa Desk | Published : Fri, Dec 23, 2022, 07:32 PM
ఇంకొల్లు మండలంలోని ఇంకొల్లు, పూసపాడు జిల్లా పరిషత్ హైస్కూళ్ళ లో శుక్రవారం జగనన్న ట్యాబ్ ల పంపిణీ కార్యక్రమం జరిగింది. దాదాపు 150 మంది విద్యార్థులకు ఈ ట్యాబులను అందజేశారు. ఇంకొల్లు హైస్కూల్లో జరిగిన కార్యక్రమానికి ముఖ్యఅతిథిగా విచ్చేసిన విద్యాశాఖ ఆర్జేడీ చంద్రిక మాట్లాడుతూ విద్యార్థుల భవిష్యత్తుకు స్కూలు దశలోనే పునాదులు వేసే సత్సంకల్పంతో రాష్ట్ర ప్రభుత్వం ఈ కార్యక్రమం చేపట్టిందని ఆమె చెప్పారు. విద్యార్థులు ఈ అవకాశాలను అందిపుచ్చుకొని జీవితంలో పైకి ఎదగాలని ఆమె హితవు పలికారు.
ఇంకొల్లు జడ్పిటిసి భవనం శ్రీలక్ష్మి, ఇంకొల్లు ఎంపీపీ బండారు అనూష, మాజీ జెడ్పిటిసి ఎంపిపి భవనం శ్రీనివాసరెడ్డి, మండల కన్వీనర్ బండారు ప్రభాకర్, వైస్ ఎంపీపీ చలమయ్య ఎంపీటీసీ హయాషాబుడే, ఎంపీటీసీ రావి పేరయ్య, ఎంఈఓ సత్యనారాయణ, హెచ్ఎం శ్రీనివాసరావు, ఉపాధ్యాయులు, విద్యార్థులు పాల్గొన్నారు
|
|