రోడ్డు ప్రమాదంలో మహిళ మృతి
Andhra Pradesh Telugu | Suryaa Desk | Published : Wed, Jan 04, 2023, 12:41 PM
రోడ్డు ప్రమాదంలో మహిళ మృతి చెందిన ఘటన విజయవాడ నున్నలో మంగళవారం చోటు చేసుకుంది. వివరాల్లోకి వెళ్ళితే...... బాపట్ల ప్రాంతానికి చెందిన భార్యభర్తలు గున్నం మహాలక్ష్మయ్య, సుబ్బులు(45) గత ఏడాది క్రితం మామిడి తోటలో పని నిమిత్తం నున్న గ్రామా నికి వచ్చారు. మామిడి తోటలోనే ఉంటున్న భార్య భర్తలు మంగళవారం రాత్రి నిత్యావసర సరుకుల కొనుగోలు నిమిత్తం వికాస్ కాలేజీ రోడ్డులోని మామిడి తోట నుంచి బయలుదేరి సరుకులు కొనుగోలు చేసి తిరిగి ద్విచక్రవాహనంపై తోటకు పయనమైనారు. చినకంచి వద్దకు రాగా ద్విచక్రవాహనం అదుపు తప్పి సుబ్బులు, మహాలక్ష్మ య్యలు ఇద్దరు కిందపడిపోయారు. ఎదురుగా వస్తున్న టిప్పర్ సుబ్బులుపై నుంచి వెళ్లింది. ఈ ఘటనలో భార్య సుబ్బులు అక్కడికక్కడే మృతి చెందగా, భర్తకు తీవ్ర గాయాలయ్యాయి. సమాచారం అందుకున్న నున్న రూరల్ పోలీసులు మహాలక్ష్మయ్యను చికిత్స ఆసుపత్రికి తరలించి కేసు నమోదు చేసి దర్యాప్తు చేస్తున్నారు.
|
|