పంచాయతీపెట్టడంతో...మైనార్ బాలిక మెడలో తాళి కట్టిన యువకుడు
Andhra Pradesh Telugu | Suryaa Desk | Published : Fri, Jan 20, 2023, 05:31 PM
గ్రామ పెద్దల పంచాయతీతో ఓ యువకుడు మైనరర్ బాలిక మెడలో తాళి కట్టాడు. అనంతపురం జిల్లాలో ఈ అరాచకం బయటపడింది. ఉరవకొండ మండలం ఆమిద్యాలలో మైనర్ బాలికకు పబ్లిక్గా తాళి కట్టాడు. ప్రేమ పేరుతో బాలికను యువకుడు మోసం చేశాడు.. దీంతో గ్రామ పెద్దలు పంచాయితీ పెట్టారు. ఆ తర్వాత బాలిక మెడలో పబ్లిక్గా పసుపుతాడు కట్టించారు. ఈ పెళ్లి తంతుకు సంబంధించిన వీడియో సోషల్ మీడియాలో వైరల్ అయ్యింది.
ఉరవకొండ మండలం ఆమిద్యాల గ్రామంలో 8వ తరగతి చదువుతున్న బాలికను అదే గ్రామానికి చెందిన యువకుడు ప్రేమపేరుతో మాయ మాటలు చెప్పాడు. బాలిక ఇంటి దగ్గరకు తరచుగా వెళ్తుండటంతో బాలిక కుటుంబ సభ్యులు, స్థానికులుఈ నెల 18న పంచాయితీ పెట్టి.. బాలిక ఇంటి ముందు యువకుడి చేత తూతూ మంత్రంగా పసుపుతాడు కట్టించారు. పెళ్లయిపోయింది..పోండి అని చెప్పారు.
బాలిక మెడలో పసుపుతాడు కడుతున్న యువకుడి వీడియో సోషల్ మీడియాలో వైరల్ అయ్యింది. ఈ ఘటనపై ఐసీడీఎస్ పీడీ శ్రీదేవి స్పందించారు. ఉరవకొండ రూరల్ సూపర్వైజర్ను పంపి బాలికను విచారించారు. బాలికను చైల్డ్ హోంకు తరలించేందుకు ఏర్పాట్లు చేశారు. బాలికలను కేజీబీవీ పాఠశాలలో ఉంచి మేజర్ అయ్యే వరకూ చదివిస్తామని చెప్పారు. పోలీసులూ ఈ ఘటనపై స్పందించారు. బాలిక మెడలో పసుపుతాడు కట్టిన యువకుడితో పాటు అందుకు ప్రోత్సహించిన గ్రామపెద్దలను పోలీసు స్టేషన్కు పిలిపించినట్లు సమాచారం.
|
|