ట్రెండింగ్
కియా కేరెన్స్ వేరియంట్ కు అవార్డు...అభినందించిన చంద్రబాబు
Andhra Pradesh Telugu | Suryaa Desk | Published : Sat, Jan 21, 2023, 11:24 AM
కియా కేరెన్స్ వేరియంట్ కు అవార్డు లభించడంతో టీడీపీ అధినేత నారా చంద్రబాబు నాయుడు అభినందించారు. ఇదిలావుంటే నవ్యాంధ్రప్రదేశ్ తొలి ముఖ్యమంత్రిగా చంద్రబాబు బాధ్యతలను స్వీకరించిన తర్వాత ఏపీకి తీసుకొచ్చిన ప్రతిష్ఠాత్మక సంస్థల్లో కియా కార్ల పరిశ్రమ ఒకటి. అనంతపురం జిల్లాలో ఈ పరిశ్రమను ఏర్పాటు చేశారు. తాజాగా 'ఇండియన్ కార్ ఆఫ్ ది ఇయర్ 2023' అవార్డును కియా సొంతం చేసుకుంది. కియా కేరెన్స్ వేరియంట్ కు ఈ అవార్డు దక్కింది.
ఈ సందర్భంగా కియా పరిశ్రమకు చంద్రబాబు అభినందనలు తెలిపారు. అనంతపురం ప్లాంటులో ఉత్పత్తి అవుతున్న కేరెన్స్ వేరియంట్ కు అవార్డు దక్కడం సంతోషంగా ఉందని ఆయన చెప్పారు. ఆంధ్రప్రదేశ్ కు ఇది గర్వించదగ్గ తరుణమని అన్నారు. ఈ మేరకు ఆయన ట్వీట్ చేశారు. కియా పరిశ్రమ ఫొటోలు, ట్రయల్ ప్రొడక్షన్ సెరెమొనీ సందర్భంగా దిగిన ఫొటోలను షేర్ చేశారు.
|
|