యాంకర్ ఉదయభాను పోస్ట్ కు సంబరపడిపోతున్న జనసైనికులు

యాంకర్ ఉధయభాను తాజాగా చేసిన ఓ పోస్ట్ పై జనసైనికులు సంబరపడిపోతున్నారు. ఎందుకో తెలుసా...ఆమె తన చేతిలో గాజు గ్లాజు పట్టుకొని దిగిన ఫోటో షేర్ చేయడమే  ఇందుకు కారణం. ఇదిలావుంటే యాంకర్ ఉదయభానుకు) ఉన్న క్రేజే వేరు. యాంకర్‌గానే కాకుండా యాక్టర్‌గానూ గుర్తింపు తెచ్చుకున్నారు. బుల్లితెరకు, వెండితెరకు కాస్త దూరమైన ఆమె.. చాలా కాలం తర్వాత, ఇటీవల ప్రీ రిలీజ్ ఈవెంట్లు, సినిమా ఈవెంట్లతో తళుక్కుమన్నారు. తన క్రేజ్, మాటల తూటాలూ ఏమాత్రం తగ్గలేదని నిరూపించుకున్నారు. ఇదిలా ఉంటే.. రెండు రోజుల కిందట ఆమె తన ఇన్‌స్టా్గ్రామ్ అకౌంట్‌లో పోస్టు చేసిన వీడియో నెట్టింట్లో ఆసక్తికర చర్చకు తావిస్తోంది. ‘గ్లాస్‌లో చాయ్ తాగితె ఆ కిక్కే వేరబ్బ..’ అంటూ ఆమె వీడియోను పోస్టు చేశారు. గాజు గ్లాసులో టీ తాగుతూ కనిపించారు. ‘గాజు గ్లాస్’ జనసేన పార్టీ ఎన్నికల గుర్తు అనే సంగతి ప్రత్యేకంగా చెప్పాల్సిన పని లేదుగా..! జనసేనకు మద్దతుగా పోస్టు చేశారంటూ పవన్ కళ్యాణ్ అభిమానులు ఉదయభానుకు థాంక్స్ చెబుతున్నారు.

గ్లాసులో టీ తాగినంత మాత్రాన పవన్ కళ్యాణ్‌కు మద్దతిచ్చిన్లేనా అని అనుకోవచ్చు. అయితే, ఇంకా ఉంది. ఈ వీడియో బ్యాక్ గ్రౌండ్‌లో పవన్ కళ్యాణ్ ‘భీమ్లా నాయక్’ సినిమా టైటిల్ సాంగ్ ప్లే అవుతుండటం గమనార్హం. దీనికి తోడు ఉదయభాను #powerstar #glass #pk #pawanism #pawankalyan యాష్ ట్యాగులను కూడా జత చేశారు. ఈ నేపథ్యంలో యాంకర్ ఉదయభాను.. జనసేన పార్టీలో చేరతారా? లేకపోతే ఆ పార్టీకి మద్దతుగా ప్రచారం చేసే అవకాశం ఉందా? అనే చర్చ కూడా మొదలైంది.

ఉదయభాను వీడియోకి పవన్ అభిమానులు ‘జై జనసేన’ అని కామెంట్స్ పెడుతున్నారు. ‘జనసేన వీర మహిళ’ అంటూ మరికొంత మంది కీర్తిస్తున్నారు. కొంత మంది ఆమె కళ్లను కీర్తిస్తూ పోస్టు చేయగా.. ‘ఉదయభాను గారు మీలో ఇంకా శ్రీదేవి గారు బతికున్నారు అనిపిస్తుంది. అలా ఉన్నారు’ అంటూ ఓ నెటిజన్ తన అభిమానాన్ని చాటుకున్నాడు.

అగ్రశ్రేణి యాంకర్‌గా గుర్తింపు పొందిన ఉదయభాను.. గ్లామర్‌తోనూ అభిమానులను సంపాదించుకున్నారు. ‘లీడర్’, ‘జులాయి’ లాంటి సినిమాల్లో స్పెషల్ సాంగ్స్ కూడా చేశారు. కొన్ని సినిమాల్లో లీడ్ రోల్స్‌లో నటించారు. ప్రస్తుతం ఇద్దరు పిల్లలతో పర్సనల్ లైఫ్‌ను, ప్రొఫెషనల్ లైఫ్‌ను లీడ్ చేస్తున్న ఉదయభాను.. కొంత కాలంగా సోషల్ మీడియాలోనూ పెద్దగా యాక్టివ్‌గా ఉండట్లేదు. ఈ నేపథ్యంలో తాజాగా ఆమె పోస్టు చేసిన వీడియో వైరల్‌గా మారింది.