అన్నను చూసి...చలించిపోయిన చెల్లి... ఎమోషనల్ అయిన బ్రాహ్మణి

అన్నను చూడరాని స్థితిలో చూస్తే ఏ చెల్లికైనా ఎలా ఉంటుంది....అదే తారకరత్న విషయంలో నారా బ్రహ్మిణి పరిస్థితి నెలకొంది. బెంగళూరులో ఆసుపత్రిలో నారా బ్రహ్మిణి ఎమోషనల్ అయ్యారు. ఇదిలావుంటే  బెంగళూరులోని హృదయాలయ ఆసుపత్రిలో నందమూరి తారకరత్నకు చికిత్స అందిస్తున్నారు. ప్రస్తుతం ఆయన ఆరోగ్యం నిలకడగానే ఉందని.. కుటుబం సభ్యులు చెబుతున్నారు. తారకరత్నకు మెరుగైన వైద్యం అందుతోందని.. తారకరత్న క్రిటికల్ కండీషన్ నుంచి బయటపడ్డారని చెప్పలేమని.. అంటున్నారు. ఇటు తారకరత్నను చూసేందుకు నారా, నందమూరి కుటుంబ సభ్యులు ఆసుపత్రికి వస్తున్నారు. ఆదివారం నాడు తారకరత్న సోదరులు కళ్యాణ్ రామ్, జూనియర్ ఎన్టీఆర్ బెంగళూరు వెళ్లి తారకరత్నను చూశారు.

వారి తర్వాత నారా బ్రాహ్మణి, నందమూరి ప్రణతి బెంగళూరు నారాయణ హృదయాలయకి చేరుకున్నారు. తన సోదరుడు తారకతరత్నను చూసి.. నారా బ్రాహ్మణి ఎమోషనల్ అయ్యారు. ఆయన భార్యా పిల్లలను ఓదార్చారు. తారకరత్న త్వరగా కోలుకోవాలని ఆకాంక్షించారు. దీంతో ఆసుపత్రిలో ఉద్వేగభరిత వాతావరణం నెలకొంది. అటుయయ తారకరత్న ఆరోగ్యం గురించి నారాయణ హృదయాలయ డాక్టర్లతో జూనియర్ ఎన్టీఆర్ మాట్లాడారు.

'తారకరత్న వైద్యానికి స్పందిస్తున్నారు. ప్రస్తుతం నిలకడగా ఉన్నారు. అలాగని ఆయన క్రిటికల్ కండిషన్ నుంచి బయటపడ్డారని కాదు. ఆయన ఎక్మో మీద ఉన్నారన్నది నిజం కాదు. ఆసుపత్రిలో మెరుగైన వైద్యం అందిస్తున్నారు. తారకరత్న కూడా అస్వస్థతో పోరాడుతున్నారు. వైద్యుల సహకారం, అభిమానులు, తాతయ్య ఆశీర్వాదం ఉంది. ఆయన త్వరగా కోలుకోవాలని మేం దేవుణ్ని ప్రార్థిస్తున్నాం' అని జూనియర్ ఎన్టీఆర్ వ్యాఖ్యానించారు.