దారుణం.. మూడేళ్ల చిన్నారిపై గ్యాంగ్‌రేప్
national | Suryaa Desk | Published : Sat, Feb 04, 2023, 12:44 PM
ఢిల్లీలో దారుణం చోటుచేసుకుంది. యువతులు, మహిళలపైనే కాకుండా అభం శుభం తెలియని చిన్నారులపై అఘాయిత్యాలకు పాల్పడుతూ కామాంధులు వికృతానందం పొందుతున్నారు. తాజాగా ఢిల్లీలో దారుణ ఘటన చోటు చేసుకుంది. మూడేళ్ల చిన్నారిపై కామాంధులు సామూహిక అత్యాచారానికి పాల్పడ్డారు. ఇద్దరు వ్యక్తులు ఈ దారుణానికి ఒడిగట్టారు. దక్షిణ ఢిల్లీలోని ఫతేపూర్ బేరికి చెందిన మూడేళ్ల బాలిక శుక్రవారం ఉదయం కనిపించకుండా పోయింది. దీంతో చిన్నారి తల్లిదండ్రులు వెతకడం ప్రారంభించారు. ఈ క్రమంలో వారికి పొరిగింటికి చెందిన ఓ వ్యక్తి తారసపడ్డాడు.
తాను చిన్నారిని ఊరి చివరన ఉన్న అటవీ ప్రాంతంలో చూశానని సమాచారం అందించాడు. ఇద్దరు వ్యక్తులు ఆ చిన్నారిని ఎత్తుకెళ్లినట్లు వారు తెలిపారు. దీంతో బాలిక తల్లిదండ్రులు హటాహుటిన ఘటనా స్థలానికి చేరుకున్నారు. ఆ చిన్నారి గాయాలతో ఏడుస్తూ వారికి కనిపించింది. దీంతో ఆమెను పోలీస్ స్టేషన్ కు తీసుకెళ్లారు. చికిత్స కోసం చిన్నారిని ఎయిమ్స్ ఆస్పత్రికి తరలించారు. ఈ ఘటనపై పోలీసులు కేసు నమోదు చేసుకుని దర్యాప్తు చేపట్టారు. ఇద్దరు అనుమానితులను పోలీసులు అరెస్ట్ చేశారు. నిందితులు రామ్ నివాస్ పానిక(27), శక్తిమాన్ సింగ్(22) గా గుర్తించారు. వీరిద్దరికి వివాహమైందని, స్థానికంగా ఓ గార్బేజ్ రీసైకిల్ కంపెనీలో పనిచేస్తున్నారని పోలీసులు పేర్కొన్నారు.
|
|