ఈనెల 15 నుండి చంద్రబాబు తూర్పుగోదావరి జిల్లా పర్యటన
Andhra Pradesh Telugu | Suryaa Desk | Published : Wed, Feb 08, 2023, 12:28 PM
ఈనెల 15 నుండి 18 వరకు జాతీయ తెలుగుదేశం పార్టీ అధ్యక్షుడు చంద్రబాబునాయుడి ఉమ్మడి తూర్పుగోదావరి జిల్లా పర్యటన ఖరారైన విషయం తెలిసిందే. మంగళవారం చంద్రబాబు స్టేట్‌ టూర్‌ కోఆర్డినేటర్లు గంటా గౌతమ్‌, పరుచూరి కృష్ణ, రవియాదవ్‌లు టీడీపీ రాష్ట్ర ఉపాధ్యక్షుడు జ్యోతుల నెహ్రూతో కలిసి చంద్రబాబు రూట్‌ పరిశీలించారు. మధురపూడి విమానాశ్రయం నుంచి గుమ్మలదొడ్డి చేరు కుని టూర్‌ ప్రారంభించే ప్రాంతాన్ని, అనంతరం గోకవరం, రాజపూడి, జగ్గంపేట తదితర ప్రదేశాలను పరిశీలించారు. 15వ తేదీ చంద్రబాబు విడిది చేసే జ్యోతుల నవీన్‌ క్యాంప్‌ ఆఫీస్‌ని కూడా వారు పరిశీలించారు. ఈ కార్యక్రమంలో రాష్ట్ర టీడీపీ కార్యదర్శి ఎస్వీఎస్‌ అప్పలరాజు, మండల టీడీపీ అధ్యక్షుడు మంగరౌతు, రామకృష్ణ, ఉంగరాల రాము, జిల్లా టీడీపీ మీడియా కోఆర్డినేటర్‌ ఉండవిల్లి వీర్రాజు, పాలూరి బోసు బాబు, బత్తుల సత్తిబాబు, కోట సత్యవతి, సూరిబాబు తదితరులు పాల్గొన్నారు.
|
|