ట్రెండింగ్
నేటి నుంచి మస్తాన్ షా దర్గా ఉరుసు మహోత్సవాలు
Bhakthi | Suryaa Desk | Published : Wed, Feb 08, 2023, 02:30 PM
గుంటూరు జిల్లా: నగరంపాలెంలోని హజరత్ కాలే మస్తాన్ షా అవులియా గంథం ఉరుసు మహోత్సవాలు ఈనెల 8వ తేదీ నుంచి 12వ తేదీ వరకు వైభవంగా నిర్వహించనున్నట్లు ధర్మకర్త రావి రామ్మోహన్ రావు మంగళవారం ఒక ప్రకటనలో తెలిపారు. 8వ తేదీన తెల్లవారుజామున చాందిని అలంకరణతో బాబా సమాధిపై గంథం మహోత్సవం, రాత్రి 11 గంటలకు గంథం ఊరేగింపు, అన్నదానం జరుగుతుందని పేర్కొన్నారు. 9వ తేదీన సాయంత్రం 4 గంటలకు గంథం పంపిణీ. 5 గంటలకు దీపారాధన, అన్నదాన కార్యక్రమం జరుగుతుంది. 10వ తేదీన రాత్రి 10 గంటలకు గ్యార్మి షరీఫ్ ఖురాన్ పఠనం, తెల్లవారుజామున ప్రసాదం పంపిణీ, 11న ఫకీర్లకు అన్నదానం, బాబాకు భక్తులు సమర్పించిన శేష వస్త్రాల పంపిణీ జరుగుతుందని తెలిపారు. 12వ తేదీన బాబా ఆశీస్సులైన కుర్చీని యధా స్థానంలో ఉంచనున్నట్లు తెలిపారు. భక్తులు పాల్గొని బాబా ను దర్శించుకోవాలన్నారు.
|
|