సినిమాను తలపించిన గంజాయి రవాణా
Andhra Pradesh Telugu | Suryaa Desk | Published : Fri, Feb 10, 2023, 11:55 AM
సినీఫక్కీలో గంజాయిని కారులో అక్రమంగా తరలిస్తున్న ఓ ముఠాను స్పెషల్ ఎన్ఫోర్స్ మెంట్ బ్యూరో అధికారులు చేజ్ చేసిన ఘటన గురువారం విశాఖలో చోటుచేసుకుంది. ఏజెన్సీ ప్రాంతం నుంచి మూడు బస్తాల్లో గుట్టుచప్పుడు కాకుండా ఓ కారులో తరలిస్తున్నట్లు రాబడిన నమ్మదగిన సమాచారం మేరకు స్పెషల్ ఎన్ఫోర్స్ మెంట్ బ్యూరో అధికారులు మాటువేసి మరో వాహనంలో వెంబడిచారు. పోలీసులు వెంటబడుతున్నారనే విషయాన్ని గమనించిన గంజాయి స్మగ్లర్లు వేగంగా వాహనం నడిపి అడ్డొచ్చిన ద్విచక్రవాహణదారులను ఢీకొట్టి మరీ పరారయ్యేందుకు ప్రయత్నించారు. సినీఫక్కీలో సాగిన ఈ ఛేజింగ్ హనుమంతవాక కూడలికి వచ్చే సరికి దొరికిపోతామనే భయంతో స్మగ్లర్లు కారును వదిలి పరారయ్యారు. వారిని వెంబడించినప్పటికి ఎటువంటి ఆచూకీ దొరకలేదు. ఈ ఘటనలో పలువురు ద్విచక్రవాహణదారులకు గాయాలయ్యాయి. పట్టుబడిన గంజాయిని సెబ్ అధికారులు స్వాధీనం చేసుకుని వాహనం డీటెయిల్స్ పరిశీలిస్తున్నారు.
|
|