ట్రెండింగ్
600 బస్తాల రేషన్ బియ్యం
Andhra Pradesh Telugu | Suryaa Desk | Published : Mon, Feb 13, 2023, 10:45 AM
నెల్లూరు జిల్లాకు తరలిస్తున్న రేషన్ బియ్యం లారీని బద్వేలు గుంతపల్లె వద్ద ఆదివారం గ్రామీణ పోలీ సులు పట్టుకున్నారు. మైదుకూరు నుంచి చౌకబియ్యం లారీలో అక్రమంగా తరలిస్తున్నట్లు బద్వేలు గ్రామీణ ఎస్సై చంద్రశేఖర్ కు సమాచారం రావడంతో వెంటనే ఆయన గుంతపల్లె కూడలి వద్దకు వెళ్లి నిఘా పెట్టారు. లారీ రాగానే సోదా చేయగా అందులో 600 రేషన్ బియ్యం ఉన్నట్లు గుర్తించారు. రూ. 11 లక్షల విలువైన రేషన్ బియ్యం, రూ. 12 లక్షలు విలువైన లారీని పట్టుకుని స్థానిక పోలీసు స్టేషన్కు తరలించారు. పోలీసులు పట్టుకున్న రేషన్ బియ్యం లారీ రవాణా వ్యాపారి శ్రీరామారావు, లారీ ఓనర్ మచునురు సుధీర్, డ్రైవర్ ఖాదర్ బాషాపై కేసు నమోదు చేసినట్లు గ్రామీణ ఎస్సై చంద్రశేఖర్ విలేఖరులకు తెలిపారు.
|
|