రెండు లారీలు ఢీకొని ఒక డ్రైవర్ మృతి
Andhra Pradesh Telugu | Suryaa Desk | Published : Wed, Feb 22, 2023, 03:51 PM
గుంతకల్లు రూరల్ పోలీస్ స్టేషన్ పరిధిలోని సుప్రజ రైస్ మిల్లు దగ్గర రెండు లారీలు ఒకదానికి ఒకటి ఎదురెదురుగా వస్తూ ఢీ కొన్న ప్రమాదంలో ఒకరు మృతి చెందగా మరొకరు తీవ్రంగా గాయపడిన సంఘటన బుధవారం చోటుచేసు కుంది. పోలీసులు తెలిపిన మేరకు వివరాలు. గుంతకల్లు మండల పరిధిలోని రూరల్ పోలీసు స్టేషన్ సమీపంలోని సుప్రజ రైస్ మిల్లు వద్ద ఎదురెదురుగా రెండు లారీలు ఢీకొన్న ప్రమాదంలో లారీలు డ్రైవర్లు ఇద్దరూ తీవ్రంగా గాయపడ్డారు. దీంతో స్థానికులు ఇద్దరినీ అంబు లెన్సులో గుంతకల్లు ప్రభుత్వ ఆసుపత్రికి తరలించారు. ఐతే వేంపల్లి మండలం మొలకతాళ్ళ గ్రామానికి సాల్మన్ కుమారుడు ఒక లారీ డ్రైవర్ హరిజన నాగరాజు(40)మార్గమధ్య లో మృతి చెందాడు. మరొక డ్రైవర్ రత్నంరాజుకి తీవ్రంగా గాయాలు అయ్యాయి. ఆసుపత్రి వైద్యులు చికిత్సలు చేశారు. ఈఘటనపై పోలీసులు కేసు నమోదు చేసుకుని దర్యాప్తు చేస్తున్నట్లు తెలిపారు.
|
|