కత్తితో బస్సును ఆపిన ప్రియుడు,,,అరెస్ట్ చేసిన పోలీసులు
Andhra Pradesh Telugu | Suryaa Desk | Published : Fri, Feb 24, 2023, 08:36 PM
ప్రేమోన్మాదుల ఆగడాలకు ఏపీలో అడ్డుఅదుపులేకుండా పోయింది. ఈ క్రమంలోనే ప్రియురాలి కోసం కత్తితో బస్సును ఆపిన ఓ ప్రియుడు.. నడి రోడ్డుపై హల్ చల్ చేశాడు. అనకాపల్లి జిల్లా కసింకోట మండలం బయ్యవరంలో.. కాలేజీ బస్సు వద్ద లవర్ కోసం కత్తితో హల్ చల్ చేశాడు. ఓ ప్రైవేట్ కాలేజీ బస్సులో ఉన్న తన లవర్ను కిందికి దించాలంటూ.. బస్సుకు అడ్డంగా బైక్ పెట్టాడు. అంతటితో ఆగకుండా.. కత్తితో డ్రైవర్ను బెదిరించాడు. దీంతో సదరు బస్సు డ్రైవర్ కసింకోట పోలీసులకు ఫిర్యాదు చేశాడు. రంగంలోకి దిగిన పోలీసులు.. కసింకోట మండలం తేగాడ గ్రామానికి చెందిన గడసాల శివసాయి (Shiva Sai) అనే యువకుడిని అదుపులోకి తీసుకున్నారు.
'21.02.2023 రోజున సాయంత్రం 05.30 గంటల సమయంలో.. బయ్యవరం నుంచి తేగాడ వైపు వెళ్తున్న కాలేజీ బస్సును ఓ కుర్రడు తన స్కూటీపై వచ్చి ఆపాడు. బస్సుకు అడ్డంగా తన స్కూటీని ఆపి.. తన లవర్ను కిందకు దించమని డ్రైవర్ను బూతులు తిట్టాడు. డ్రైవర్ మెడ దగ్గర కత్తి పెట్టి హత్యాప్రయత్నం చేయబోగా.. సదరు బస్ డ్రైవరు రొంగలి దేముళ్లు.. కసింకోట పోలీసు స్టేషన్లో 22వ తేదీన సాయంత్రం ఫిర్యాదు చేశాడు. దీనిపై విచారణ చేపట్టి.. 23న సాయంత్రం 4 గంటల సమయంలో గడసాల శివ సాయి అనే యువకుడిని అరెస్టు చేశాం' అని ఎస్సై ఆదినారాయణ రెడ్డి వివరించారు.
|
|