నితీశ్ కు శాశ్వతంగా ద్వారాలు బంద్: అమిత్ షా
national | Suryaa Desk | Published : Sat, Feb 25, 2023, 11:51 PM
పీఎం కావాలనే కోరికతో బీజేపీతో నితీశ్ కుమార్ తెగతెంపులు చేసుకున్నారని కేంద్ర హోంశాఖ మంత్రి అమిత్ షా విమర్శించారు. అందుకే ఆయన ఆర్జేడీతో చేతులు కలిపారని అమిత్ షా మండిపడ్డారు. ఆ రెండు పార్టీలది ఒక అపవిత్రమైన కూటమి అని అన్నారు. ఆర్జేడీ నేత తేజస్వి యాదవ్ ను తదుపరి సీఎం చేసేందుకు నితీశ్ అంగీకరించారని చెప్పారు. ఎప్పటికప్పడు మారిపోయే మనస్తత్వం నితీశ్ దని... ఆయనతో పూర్తిగా విసిగిపోయామని అన్నారు.
నితీశ్ కు తమతో ద్వారాలు పూర్తిగా మూసుకుపోయాయని చెప్పారు. తమతో ఆయన మళ్లీ కలవాలనుకున్నా అది జరిగే పని కాదని అన్నారు. బీహార్ రాష్ట్ర పరిస్థితి ఏమాత్రం బాగోలేదని... రాష్ట్రంలో శాంతిభద్రతలు కూడా లేవని విమర్శించారు. ప్రభుత్వానికి వ్యతిరేకంగా మాట్లాడే జర్నలిస్టులను కూడా చంపేస్తున్నారని అన్నారు. బీహార్ పరిస్థితి బాగు పడాలంటే మూడింట రెండొంతుల మెజార్టీని బీజేపీకి ఇవ్వాలని చెప్పారు.
|
|