ట్రెండింగ్
ప్రీతి మరణం అత్యంత బాధాకరం
Andhra Pradesh Telugu | Suryaa Desk | Published : Mon, Feb 27, 2023, 01:43 PM
జనసేన అధినేత పవన్ కళ్యాణ్, పీజీ వైద్య విద్యార్థిని డాక్టర్ ప్రీతి మరణం అత్యంత బాధాకరమని ఆవేదన వ్యక్తం చేశారు. ప్రీతికి నివాళి అర్పిస్తూ సోమవారం పవన్ ప్రెస్‌నోట్‌ను విడుదల చేశారు. మృత్యువుతో పోరాడి తుదిశ్వాస విడిచిన డాక్టర్ ప్రీతి ఆత్మకు శాంతి చేకూరాలని భగవంతుణ్ణి ప్రార్థిస్తున్నానన్నారు. ఆమె కుటుంబానికి తన ప్రగాఢ సానుభూతిని తెలియజేశారు. సీనియర్ వైద్య విద్యార్థి సైఫ్ వేధింపులు భరించలేక డాక్టర్ ప్రీతి బలవన్మరణానికి పాల్పడ్డ పరిస్థితులు, కన్నవారి మానసిక వేదన గురించి తెలుసుకొంటే హృదయం ద్రవించిందన్నారు. డాక్టర్ ప్రీతి ఆత్మహత్యకు కారకుడైన నిందితుడికి కఠిన శిక్షపడేలా చర్యలు తీసుకోవాలని డిమాండ్ చేశారు.
|
|