మానవత్వం మరిచి ప్రవర్తించిన బస్సు కండక్టర్...బస్సులోనుంచి వృద్ధురాలి తోసేసిన వైనం
Andhra Pradesh Telugu | Suryaa Desk | Published : Sat, Mar 04, 2023, 06:14 PM
కొందరు కండక్టర్ల తీరువల్ల మిగితా ఆర్టీసీ ఉద్యోగులకు కూడా చెడుపేరు వస్తోంది. ఇదిలావుంటే పల్నాడు జిల్లా సత్తెనపల్లిలో సభ్యసమాజం తలదించుకునే సంఘటన వెలుగులోకి వచ్చింది. ఆర్టీసీ బస్సు కండక్టర్ ఓ వృద్ధురాలి పట్ల అరాచకంగా ప్రవర్తించించాడు. బస్సు నుంచి త్వరగా దిగాలంటూ ఆమెను మెట్లపై నుంచి కిందకు తోసేశాడు. ఈ క్రమంలో కిందపడ్డ బాధితురాలు స్వల్పంగా గాయాలపాలయ్యారు.
సత్తెనపల్లి డిపో వద్ద వృద్ధురాలు బస్సులో నుంచి దిగుతున్న సమయంలో కండక్టర్ ఆమెను తొందరపెడుతూ బస్సులో నుంచి తోసేశాడని సమాచారం. దీంతో వృద్ధురాలు బోర్లా పడటంతో ఆమె ముఖానికి గాయాలయ్యాయి. కింద పడ్డ బాధితురాలిని పైకి లేపే ప్రయత్నం కూడా చేయకుండా బస్సును ముందుకు పోనిచ్చారన్న ఆరోపణలు వస్తున్నారు.
మరోవైపు, కండక్టర్ తీరుకు నిర్ఘాతపోయిన వృద్ధురాలు కన్నీటి పర్యంతమయ్యారు. కింద పడ్డ వృద్ధురాలికి గాయాలవడంతో స్థానికులు ఆమెను వెంటనే ఆస్పత్రికి తరలించారు. కండక్టర్ తీరు పట్ల స్థానికులు తీవ్ర ఆగ్రహం వ్యక్తం చేస్తున్నారు. ఈ క్రమంలో తోటి ప్రయాణికులు కండక్టర్పై డిపో అధికారులు, ఇతర ఆర్టీసీ ఉన్నతాధికారులకు ఫిర్యాదు చేశారు.
|
|