కాంగ్రెస్కు మాజీ సీఎం తనయుడు రాజీనామా
Andhra Pradesh Telugu | Suryaa Desk | Published : Fri, Mar 03, 2017, 03:14 PM
బెంగళూరు: కర్ణాటకలో అధికార కాంగ్రెస్ పార్టీకి ఎదురుదెబ్బ తగిలింది. ఆ పార్టీ సీనియర్ నేత, మాజీ మంత్రి, మాజీ ముఖ్యమంత్రి సరెకొప్ప బంగారప్ప తనయుడు కుమార్ బంగారప్ప కాంగ్రెస్ సభ్యత్వానికి శుక్రవారం రాజీనామా చేశారు. బీజేపీలో చేరేందుకు సిద్ధమవుతున్నారు. తన రాజీనామా విషయాన్ని ఆయన మీడియాకు తెలియజేశారు. రాష్ట్ర కాంగ్రెస్ పార్టీ అధ్యక్షుడికి తన రాజీనామా లేఖను పంపానని, పార్టీని వీడటానికి కారణాలను సుదీర్ఘ లేఖలో వివరించానని చెప్పారు. కాంగ్రెస్ సీనియర్ నేత కొడగు తిమ్మప్ప తనపై విద్వేష రాజకీయాలకు పాల్పడుతున్నారని ఆరోపించారు. దీంతో తన రాజకీయ కెరీర్కు చిక్కులు తలెత్తుతున్నాయని తెలిపారు. కాగా, కుమార్ బంగారప్ప ఈనెల 9న బీజేపీలో చేరనున్నట్టు బీజేపీ సీనియర్ నేత కెఎస్ ఈశ్వరప్ప ఇప్పటికే ప్రకటించారు. కుమార్ బంగారప్ప చేరికతో పార్టీ మరింత బలపడుతుందన్న ధీమాను ఆయన వ్యక్తం చేశారు.
|
|