ట్రెండింగ్
సీఎం జగన్ పై ఆర్ధిక మంత్రికి బాగా నమ్మకం ఉన్నట్లు ఉంది
Andhra Pradesh Telugu | Suryaa Desk | Published : Fri, Mar 10, 2023, 08:07 PM
ఆర్ధిక మంత్రి బుగ్గన రాజేంద్రనాధ్ రెడ్డి పై ఏపీ కాంగ్రెస్ వర్కింగ్ ప్రెసిడెంట్ సుంకర పద్మశ్రీ సెటైర్లు విసిరారు. శుక్రవారం మీడియాతో మాట్లాడుతూ... సీఎం జగన్ పై ఆర్ధిక మంత్రికి బాగా నమ్మకం ఉన్నట్లు ఉందన్నారు. జగన్ అప్పులు చేసి రాష్ట్రాన్ని దివాళా తీయిస్తున్నారని... భవిష్యత్లో జీతాలు ఇవ్వడానికే ఇబ్బంది వస్తుందని ముందే గ్రహించారని తెలిపారు. అందుకే రాష్ట్రంలో ఎవరికి జీతాలు రాకపోయినా.... ఆర్ధిక మంత్రి మాత్రం టంచన్గా జీతం తీసుకుంటున్నారని యెద్దేవా చేశారు. అప్పుల కోసం తిరిగి తిరిగి తీసుకువచ్చిన అప్పుల్లో ఎందుకైనా మంచిదని ఆర్ధికమంత్రి తన జీతం తీసేసుకుంటున్నారని సెటైర్ విసిరారు. రాష్ట్రంలో అత్యంత నిరుపేదలు ఎవరైనా ఉన్నారంటే అది ఆర్థిక మంత్రి బుగ్గన మాత్రమేనని కాంగ్రెస్ నేత వ్యాఖ్యలు చేశారు.
|
|