కళ్లు చెదిరే రెంటు... కొన్నాలంటే సాహసమే చేయాలి మరి

బెంగళూరులో విలాసవంతమైన జిల్లాగా ప్రసిద్ధి చెందింది విట్టల్ మాల్యా రోడ్‌లోని యూబీ సిటీ. లగ్జరీ మాల్‌ (ది కలెక్షన్), విశాలమైన ఆఫీసు స్పేస్, ఓక్‌వుడ్ సర్వీస్ అపార్ట్‌మెంట్స్ ఉన్నాయి. దాంతో పాటు కింగ్‌ఫిషర్ టవర్స్ లేదా బిలియనీర్స్ టవర్‌ ప్రత్యేక గుర్తింపును తీసుకొస్తోంది. వివిధ రంగాలకు చెందిన పలువురు ఇండస్ట్రీ, బిజినెస్ లీడర్స్ నివాసాలు ఇక్కడే ఉన్నాయి. ఈ యూబీ సిటీలో నిర్మాణాలు 2006 నుంచి 2008 మధ్య ప్రారంభమయ్యాయి. ఆ తర్వాత రెసిడెన్షియల్ అపార్ట్‌మెంట్లు నిర్మించడం మొదలైంది. 2014-16 ఏడాదిలో ఇక్కడ రూ.1500 కోట్లు మేర పెట్టుబడులు పెట్టాయి రియల్ ఎస్టేట్ సంస్థలు. ప్రస్తుతం స్థానిక రియాల్టర్ల ప్రకారం 800 చదరపు అడుగులుఉండే ఒక్కో అపార్ట్‌మెంట్ కనిష్ఠంగా రూ.30 కట్లు పలుకుతోంది. ఒక్కో చదరపు అడుగుకు ఏకంగా రూ.35 వేలు ధర ఉంది.

ప్రస్తుతం యూబీ సిటీ మొత్తం డెవలప్‌మెంట్ అనేది ప్రెస్టీజ్ గ్రూప్, యూబీ హోల్డింగ్స్ చేతిలో ఉంది. దాదాపు 45 నుంచి 55 శాతం షేరు కలిగి ఉన్నారు. ఇక బీఎండబ్ల్యూ, ఫోర్సే, హార్లే డేవిడ్‌సన్ వంటి దిగ్గజ కంపెనీలకు చెందిన షోరూమ్స్ ఇక్కడే ఉన్నాయి. లూయిస్ విట్టన్, రోలెక్స్, డీజిల్, లగ్జరీ బ్రాండ్ షాప్స్ ఉండడం వల్ల బెంగళూరు వాసులకు యూబీ సిటీ వీకెండ్ గమ్యస్థానంగా మారింది. ఈ విలాసవంతమైన అపార్ట్‌మెంట్స్‌లో బయోకాన్ కిరణ్ మజుందార్ షా, మెన్సా బ్రాండ్స్ అనంత్ నారాయణన్, ఫ్లిప్‌కార్ట్ సచిన్ బన్సాల్, జెరోదా నిఖిల్ కామత్‌లతో పాటు పలువురు దిగ్గజ వ్యాపార వేత్తలు నివాసం ఉంటున్నారు.

ఈ యూబీ సిటీ లావెల్లే రోడ్డుకు ఆనుకుని ఉంటుంది. ఈక్రమంలో ఈ రోడ్డులో ప్రాంతంలో భూముల ధరలకు రెక్కలొచ్చాయి. చదరపు అడుగుకు రూ.20 వేలు పలుకుతున్నట్లు రియల్ ఎస్టేట్ వర్గాలు చెబుతున్నాయి. మరోవైపు.. రిచ్‌మాండ్ రోడ్‌కు సమీపంలో ఉంటుంది. దీంతో అక్కడ 4 బీహెచ్‌కే అపార్ట్‌మెంట్ ధర రూ.6 నుంచి రూ.10 కోట్లు పలుకుతున్నట్లు పేర్కొన్నారు.