ట్రెండింగ్
శభాష్ కడప పోలీస్
Andhra Pradesh Telugu | Suryaa Desk | Published : Mon, Mar 13, 2023, 12:33 PM
ఎం. ఎల్. సి ఎన్నికల పోలింగ్ లో మహిళా పోలీస్ కానిస్టేబుల్ తన మానవత్వాన్ని చాటుకున్నారు. జమ్మలమడుగు రూరల్ పరిధిలోని తలమంచి పట్నం పోలీస్ స్టేషన్ లో పనిచేస్తున్న మహిళా కానిస్టేబుల్ సుజిత ( డబ్ల్యూ. పి. సి 2152) పెద్ద ముడియం గ్రామంలోని జిల్లా పరిషత్ స్కూల్ లో సోమవారం ఎన్నికల విధులు కేటాయించారు. ఆ సందర్భంగా ఓ మహిళ మూడు నెలల పసికందును తన వెంట ఎత్తుకొచ్చింది. ఓటు వేసేందుకు తల్లి వెళ్లడంతో చిన్నారి ఏడ్చింది. అక్కడే విధుల్లో ఉన్న కానిస్టేబుల్ సుజిత ఆ చిన్నారిని ఎత్తుకుని లాలించి పోరు మాన్పించింది. మానవత్వంగా వ్యవహరించిన ఆ మహిళా కానిస్టేబుల్ ను చిన్నారి తల్లితో పాటు ఆ లొకేషన్ పరిసరాలలో ఉన్న ఓటర్లు, సిబ్బంది అభినందించారు. ఈ విషయం తెలుసుకున్న జిల్లా ఎస్పీ అన్బురాజన్ మహిళా కానిస్టేబుల్ సుజిత సేవలను ప్రశంసించారు.
|
|