ట్రెండింగ్
ఆత్మహత్యాయత్నం చేసిన యువకుడిని కాపాడిన పోలీసులు
Andhra Pradesh Telugu | Suryaa Desk | Published : Tue, Mar 14, 2023, 02:27 PM
బుక్కరాయసముద్రం మండల కేంద్రంలోని గాంధీనగర్ కు చెందిన వినోద్ కుమార్ మంగళవారం కుటుంబ కలహాలతో పురుగుల మందు తాగి ఆత్మహత్యాయత్నానికి ప్రయత్నించాడు. విషయం తెలుసుకున్న పోలీసులు వెంటనే స్పందించి వినోద్ కుమార్ ని కాపాడారు. ఈ విషయం అందుకున్న డయల్ 100 విభాగం పోలీసులు బుక్కరాయ సముద్రం పోలీసులకు సమాచారం చేరవేశారు. బ్లూకోల్ట్ 6 కానిస్టేబుల్ సురేంద్ర వెంటనే స్పందించి వినోద్ కుమార్ కుటుంబ సభ్యుల సహకారంతో కంపచెట్లలో పడి ఉన్న ఆయనును తొలుత టూవీలర్ ఆ తర్వాత 108 వాహనంలో జిల్లా సర్వజన ఆసుపత్రికి తరలించి చికిత్స చేయించారు. వినోద్ కుమార్ ప్రస్తుతం చికిత్స పొందుతూ నిలకడగా ఉన్నారు. డయల్ - 100, టెక్నికల్ విభాగం మరియు బ్లూకోల్ట్ 6 సిబ్బందిని జిల్లా ఎస్పీ డాక్టర్ ఫక్కీరప్ప అభినందించారు.
|
|