ట్రెండింగ్
టీడీపీ నేత చదలవాడ అరవిందబాబు హౌస్ అరెస్ట్
Andhra Pradesh Telugu | Suryaa Desk | Published : Wed, Mar 22, 2023, 12:42 PM
పల్నాడు జిల్లా, నరసరావుపేట ఎమ్మెల్యేగా ఉన్న గోపిరెడ్డి శ్రీనివాసరెడ్డి అవినీతి అక్రమాలకు పాల్పడుతూ.. టీడీపీ శ్రేణులను హత్యలు చేయిస్తున్నారని టీడీపీ ఇన్చార్జ్ చదలవాడ అరవిందబాబు ఆరోపించారు. ఇటీవల రొంపిచర్ల మండలపార్టీ అధ్యక్షుడు బాలకోటి రెడ్డిని ఎమ్మెల్యేనే హత్య చేయించారని అరవిందబాబు చేసిన వ్యాఖ్యలపై గోపిరెడ్డి స్పందించారు. దమ్ముంటే ఆధారాలు చూపించాలని చేసిన సవాల్ను టీడీపీ నేతలు స్వీకరించారు. తాము ఇవాళ కోటప్పకొండ త్రికుటేశ్వరుని సన్నిధికి వెళతామని, ఎమ్మెల్యేకు దమ్ముంటే రావాలని.. అక్కడే అవినీతి, అక్రమాలను ఆధారలతో సహా నిరూపిస్తామని అరవిందబాబు సవాల్ విసిరారు. ఈ క్రమంలో ఆయన బుధవారం ఉదయం కోటప్పకొండకు వెళ్లేందుకు సిద్ధమయ్యారు. దీంతో పోలీసులు అడ్డుకుని ఇంట్లోనే నిర్బంధించారు. ఈ నేపథ్యంలో అక్కడ ఉత్కంఠ పరిస్థితి నెలకొంది.
|
|