పలు రైళ్లు రద్దు - దారి మళ్లింపు
Andhra Pradesh Telugu | Suryaa Desk | Published : Wed, Mar 29, 2023, 11:37 AM
హిందూపురం - బెంగళూరు సెక్షన్లోని దొడ్డ బళ్ళాపూర్ రైల్వే స్టేషన్ వద్ద వంతెన పనులు జరుగుతున్న కారణంగా పలు రైళ్లు రద్దు చేసి, మరి కొన్ని దారి మళ్లింపు చేస్తున్నామని రైల్వే అధికారులు మంగళవారం విడుదల చేసిన ఓ ప్రకటనలో పేర్కొన్నారు. బెంగళూరు - ధర్మవరం - బెంగళూరు మెము ప్యాసింజర్ రైళ్లను (నెం. 06595/56)ఏప్రిల్ 1, 6, 29 తేదీల్లో రద్దు చేస్తున్నట్లు తెలిపారు. బెంగళూరు - సత్యసాయి ప్రశాంతి నిలయం - బెంగళూరు మెము (నెం. 06515/16) ప్యాసింజర్ రైళ్లను, యశ్వంత్ పూర్ - హిందూ పూర్ - యశ్వంత్ పూర్ ఎక్స్ ప్రెస్ స్పెషల్(నెం. 06517/18) రైళ్ళను ఏప్రిల్ 1, 29 తేదీలలో రద్దు చేస్తున్నట్లు తెలిపారు. దారి మళ్లిస్తున్నవి. పూరి - యశ్వంత్ పూర్ ఎక్స్ ప్రెస్ (నెం. 22883)రైలును మార్చి 31 న అనంతపురం - ధర్మవరం మీదు గా కాకుండా నంద్యాల, ఎర్రగుంట్ల, జోలార్ పట్టే, హెబ్బల్, బాన్సువాడ స్టేషన్ల మీదుగా మళ్ళిస్తున్నామ న్నారు. అదేవిధంగా లోకమాన్య తిలక్ టెర్మినల్ - కోయంబత్తూర్ కుర్లా ఎక్స్ ప్రెస్ (11013)రైలును ఈనెల 31 న అనంతపురం - ధర్మవరం మీదుగా కాకుండా గుంత కల్లు, రేణిగుంట, జోలార్ పెట్టై, సేలం స్టేషన్ల మీదుగా దారి మళ్లింపు చేస్తున్నామని తెలిపారు. వీటితో పాటు పలు ఎక్స్ ప్రెస్ రైళ్ళను అరగంట నుంచి గంట సమయం పాటు ఆలస్యంగా నడుపుతున్నట్లు అధికారులు తెలిపారు.
|
|