ప్రజా సంక్షేమం గాలికొదిలి ధనార్జనే ధ్యేయంగా శ్రీధర్ రెడ్డి
Andhra Pradesh Telugu | Suryaa Desk | Published : Sun, Apr 02, 2023, 08:59 AM
శ్రీ సత్య సాయి జిల్లా పుట్టపర్తి ప్రజా సంక్షేమం గాలికొదిలి ధనార్జనే ధ్యేయంగా ఎమ్మెల్యే దుద్దుకుంట శ్రీధర్ రెడ్డి ప్రస్తావిస్తున్నాడని మాజీ మంత్రి పల్లె రఘునాథ్ రెడ్డి విమర్శించారు. శనివారం టిడిపి కార్యాలయంలో పల్లె మాట్లాడుతూ ఎప్పుడూ లేని విధంగా పుట్టపర్తిలో యుద్ధ వాతావరణం చోటు చేసుకోవడం బాధాకరమన్నారు. సత్యసాయి భక్తుల మనోభావాలు దెబ్బతినే విధంగా వైసిపి నాయకులు ప్రస్తావించారన్నారు. బిల్డర్ లతో ఎమ్మెల్యే డబ్బులు గుంజాడని దీంతో చాలామంది రియల్ ఎస్టేట్ వ్యాపారం మానుకున్నారన్నారు. లేఅవుట్ల లో డబ్బులు గుంజాడని, ఉద్యోగులపై దందా చేశాడని ఆరోపించారు. తాము అధికారంలో ఉన్నప్పుడు రహదారులకు నిధులు మంజూరు చేశామని, అవే రహదారులను ఇప్పుడు ప్రారంభిస్తూ తానే నిధులు మంజూరు చేయించాడటం విడ్డూరంగా ఉందన్నారు. నియోజకవర్గంలోని 193 చెరువులకు తమ హయాంలోనే డి పీ ఆర్ తయారు చేశామన్నారు. కేంద్ర ప్రభుత్వం నిధులతో జాతీయ రహదారులు వేస్తుంటే అవి కూడా తానే వేయిస్తున్నానని శ్రీధర్ రెడ్డి డబ్బా కొట్టు కొంటున్నాడన్నారు. సత్యసాయి జిల్లా తానే తెచ్చానని ప్రగల్బాలు పలుకుతున్నారని ముందు నుంచి పలు పార్టీలతో పాటు డిమాండ్ చేశారని, ప్రత్యేకించి సత్యసాయి ట్రస్టు, ఆర్ జె రత్నాకర్ కృషి ఉంది తప్ప ఎమ్మెల్యే కృషి ఏమి లేదన్నారు. ఈరోజు జరిగిన సంఘటనకు పోలీసుల వైఫల్యమే కారణమన్నారు. పోలీస్ 30 యాక్ట్ ప్రకారం ఇరువర్గాలను నిర్బంధించి ఉంటే ఈ సంఘటన జరిగేదే కాదన్నారు. ఈ విష సంస్కృతికి త్వరలోనే చమర గీతం పాడుతామని పల్లె హెచ్చరించారు.
|
|