ట్రెండింగ్
నాదెండ్ల కు జన్మదిన శుభాకాంక్షలు తెలిపిన పవన్
Andhra Pradesh Telugu | Suryaa Desk | Published : Thu, Apr 06, 2023, 03:04 PM
జనసేన పార్టీ రాజకీయ వ్యవహారాల కమిటీ ఛైర్మన్ నాదెండ్ల మనోహర్కి జనసేన అధినేత పవన్ కళ్యాణ్ జన్మదిన శుభాకాంక్షలు తెలిపారు. ఈ సందర్భంగా ఆయన మాట్లాడుతూ.... ‘‘సహనం, సౌశీల్యం కలిగిన మనోహర్..ఉమ్మడి రాష్ట్రంలో శాసన సభాపతిగా సభను నడిపిన విధానాన్ని తెలుగు ప్రజలు ఎప్పటికీ మరచిపోరు. మా పార్టీ రాజకీయ వ్యవహారాల కమిటీ ఛైర్మన్ బాధ్యతలను ఎంతో నేర్పుగా నిర్వర్తిస్తున్నారు. పార్టీలోని క్షేత్ర స్థాయి జనసైనికులు, వీర మహిళల నుంచి నాయకుల వరకూ అందరినీ సమన్వయం చేస్తూ ప్రణాళికాబద్ధంగా కార్యక్రమాలను విజయవంతంగా ముందుకు తీసుకువెళ్లడంలో ఆయన అనుభవం ఎంతో దోహదపడుతోంది. నాదెండ్ల మనోహర్ సుఖసంతోషాలు, సంపూర్ణ ఆయురారోగ్యాలు ప్రసాదించాలని దేవదేవుడు వేంకటేశ్వర స్వామిని ప్రార్థిస్తున్నానని’’ పవన్ కల్యాణ్ తెలిపారు.
|
|