చిక్కడు..దోరకడు... పంజాబ్ పోలీసులకు చుక్కలు చూపిస్తున్న ఖలీస్థాన్ వేర్పాటువాది

చిక్కడు..దోరకడు... అన్నట్లుగా పంజాబ్  పోలీసులకు ఖలీస్థాన్ వేర్పాటువాది చుక్కలు చూపిస్తున్నాడు.  ఇదిలావుంటే పరారీలో ఉన్న ఖలీస్థానీ వేర్పాటువాది, వారిస్ పంజాబ్ దే చీఫ్ అమృత్‌పాల్ కోసం పోలీసుల వేట కొనసాగుతోంది. మూడు వారాలుగా అతడి కోసం పోలీసులు, పారామిలటరీ బలగాలు జల్లెడ పడుతుననా ఎక్కడున్నదీ ఆచూకీ తెలియరాలేదు. ఈ నేపథ్యంలో పంజాబ్ పోలీసులకు ఏప్రిల్ 14 వరకూ ప్రభుత్వం సెలవులను రద్దుచేసినట్టు విశ్వసనీయ వర్గాలు తెలిపాయి. అమృత్‌పాల్ అనుచరుడ్నిలో ఒకర్ని అరెస్ట్ చేయడంతో మద్దతుదారులు పోలీసు స్టేషన్‌‌ను ముట్టడించి బీభత్సం సృష్టించారు. అప్పటి నుంచి తప్పించుకుంటున్న అమృతపాల్ మార్చి 18న పోలీసులకు చిక్కినట్టే చిక్కి తప్పించుకున్నాడు. ఈ నేపథ్యంలో ఏప్రిల్ 14న బైసాభిని పురస్కరించుకుని భటిండాలో సర్బత్ ఖాల్సా సమావేశాన్ని ఏర్పాటు చేయాలని సిక్కు అత్యుతన్న సంస్థ అకల్ తఖ్త్ చీఫ్‌లను కోరాడు.

అప్పటి వరకు గెజిటెడ్, నాన్- గెజిటెడ్ అధికారుల సెలవులను రద్దు చేసినట్లు పంజాబ్ డీజీపీ గౌరవ్ యాదవ్ అధికారులకు ఒక నోట్ పంపినట్టు విశ్వసనీయ వర్గాలు తెలిపాయి. గతంలో మంజూరైన సెలవులన్నీ రద్దు చేసి, ఏప్రిల్ 14 వరకు ఎటువంటి సెలవులను మంజూరు చేయవద్దని ఆదేశించారు. గత నెలలో అమృత్‌పాల్ విడుదల చేసిన రెండు వీడియోలలో బైసాఖీలో జరిగే సమావేశానికి ముందు అమృత్‌సర్‌లోని అకల్ తఖ్త్ నుంచి భటిండాలోని దామ్‌దామా సాహిబ్ వరకు మతపరమైన ఊరేగింపును చేపట్టాలని జతేదార్‌లను కోరారు.

అమృతపాల్ అభ్యర్థనపై స్పందించిన శిరోమణి గురుద్వారా ప్రబంధక్ కమిటీ (ఎస్జీపీసీ).. ‘సిక్కు పండితులు, మేధావులతో సంప్రదించిన తర్వాత అటువంటి సమ్మేళనాన్ని నిర్వహించాలా? వద్దా? అనేది కేవలం అకాల్ తఖ్త్ మాత్రమే నిర్ణయించగలదు.. ఇది అమృతపాల్ సింగ్ వ్యక్తిగత కోరిక.. సర్బత్ ఖల్సాకు పిలుపునివ్వడం లేదా లేకపోవడంతో అకల్ తఖ్త్ జతేదార్ ఏకైక అధికారం.. ప్రస్తుత పరిస్థితుల్లో ఏమి చేయాలో జతేదార్ నిర్ణయిస్తారు’ ఎస్జీపీసీ ప్రధాన కార్యదర్శి గుర్చరన్ సింగ్ గ్రేవాల్ చెప్పారు.

ఇదిలావుంటే ఇప్పటి వరకూ సర్బత్ ఖల్సాను కేవలం రెండు సందర్భాల్లో 2015, 1986లో మాత్రమే నిర్వహించారు. ఖలీస్థాన్ వేర్పాటువాద ఉద్యమం ఉద్ధృతంగా ఉన్నప్పుడు 1986 ఫిబ్రవరి 16న అకాల్ తఖ్త్ దీనిని నిర్వహించింది.