నకిలీ డాక్టర్ ఆటకట్టించిన విజయవాడ పోలీసులు

ఇటీవల వైట్ కాలర్  నేరాలు భాగా పెరిగిపోతున్నాయి. ఇదే క్రమంలో  విజయవాడలో కూడా ఇలాంటి మోసమే  చోటు చేసుకొంది. విజయవాడలో నకిలీ డాక్టర్ ఆటకట్టించారు పోలీసులు. ఇంటర్‌ చదివి డాక్టర్‌ అవతారమెత్తి అమాయకుల్ని మోసం చేస్తున్న యువకుడ్ని అరెస్ట్ చేశారు. విజయనగరం జిల్లా పూసపాటిరేగ మండలం రెల్లివలసకు చెందిన ధర్మవరపు జయరాం ఇంటర్‌ వరకు చదివాడు. విశాఖలోని ఆస్పత్రుల్లో కాంపౌండర్‌గా పనిచేశాడు. జయరాం లగ్జరీ జీవితానికి అలవాటుపడ్డాడు.. జీతం సరిపోకపోవడంతో ఏకంగా డాక్టర్‌ అవతారమెత్తాడు.

గత నెలలో జయరాం విశాఖపట్నం నుంచి బెంగళూరు వెళ్లాడు. అక్కడ అమాయకుల్ని బురిడీ కొట్టిద్దామని చూశాడ.. కానీ అక్కడ భాషకు సంబందించి సమస్య ఎదురవ్వడంతో వెనక్కు వచ్చేశాడు. బెంగళూరు నుంచి వచ్చిన తర్వాత ఈ నెల 4న విజయవాడకు మకాం మార్చాడు. కృష్ణలంకలోని ఓ ప్రైవేట్‌ లాడ్జిలో రూమ్ తీసుకున్నాడు. చుట్టుపక్కల ఆసుపత్రులకు దగ్గరకు వెళ్లి అమాయకుల్ని టార్గెట్ చేస్తున్నారు.

రోగి బంధువులకు తనని ఎనస్తీషియన్‌గా పరిచయం అని చెప్పి నమ్మించేవాడు. వారి దగ్గర నుంచి అవసరం ఉందని డబ్బులు కూడా తీసుకునేవాడు. ఆ తర్వాత అక్కడి నుంచి కనిపించకుండా మాయమైపోయేవాడు. ఈ నెల 4న ఆంధ్ర ఆస్పత్రిలో రూ.7500, 5న విజయ ఆసుపత్రిలో రూ.10 వేలు, 7న గుంటూరు కూడా వెళ్లి.. అక్కడ ఆసుపత్రిలో రూ.10 వేలు వసూలు చేశాడు.

జయరాం సాయంత్రం అమెరికా ఆసుపత్రిలో రూ.4 వేలు తీసుకుని మళ్లీ మరో మోసం చేశాడు. ఇలాగే వరుసగా మోసాలు చేయడంతో ఆ ఆసుపత్రుల నుంచి పోలీసులకు ఫిర్యాదులు వచ్చాయి. దీంతో అతడిపై నిఘా పెట్టి వారధి దగ్గర అదుపులోకి తీసుకున్నారు. జయరాం డాక్టర్ అని చెప్పుకుంటూ అమాయకుల్ని డబ్బుల్ని భారీగా మోసం చేశాడు. పోలీసులు కేసు నమోదు చేసి దర్యాప్తు చేస్తున్నారు.

మరోవైపు విజయవాడలో ఐటీఎంఎస్‌ ప్రాజెక్టు పనుల కారణంగా.. అక్కడున్న సిగ్నళ్లను ఇతర ప్రాంతాలకు మార్చేస్తున్నారు. నగరంలోని పలు అధునాతన సిగ్నలింగ్‌ వ్యవస్థ తీసుకొచ్చేందుకు ప్రాజెక్టు వచ్చే నెలకు సిద్ధమవుతుందని భావిస్తున్నారు. అడాప్టివ్‌ ట్రాఫిక్‌ సిగ్నల్‌ వ్యవస్థను తీసుకురానున్నారు.. అలాగే అవసరమైన చట్ల సోలార్ బ్లింకర్లు, మెసేజ్ డిస్ ప్లే బోర్డులు, పబ్లిక్ అడ్రస్ సిస్టమ్ కూడా ఏర్పాటు చేస్తున్నారు. ప్రస్తుతం ఉన్న ఆర్‌ఎల్‌వీడీ కెమెరాల నుంచి వచ్చే వీడియోలను కొత్త వ్యవస్థతో అనుసంధానం చేస్తారు. నగరంలోని పలు సర్కిల్స్‌లో ఐటీఎంఎస్‌ ఏర్పాటు కానుంది. వీటిని మార్చిన తర్వాత పనుల వేగం పెరుగుతుందని భావిస్తున్నారు.. ఈ ఇబ్బందులు కూడా పూర్తిగా తీరే అవకాశం ఉంది.