జీవో నంబర్ 1 పై సుప్రీం కోర్టులో పిటిషన్ దాఖలు
Andhra Pradesh Telugu | Suryaa Desk | Published : Mon, Apr 17, 2023, 10:09 PM
ఏపీ రాజకీయాలు మరోమారు రసకందమయంగా మారాయి. ఇదిలావుంటే ఏపీ ప్రభుత్వం జారీ చేసిన జీవో నంబర్ 1 వ్యవహారం సుప్రీం కోర్టుకు చేరింది. ఏపీ హైకోర్టులో జీవో నంబర్ 1పై దాఖలు చేసిన పిటిషన్‌పై తీర్పు రిజర్వ్‌లో ఉంది. దీంతో పిటిషనర్లు సుప్రీం కోర్టును ఆశ్రయించారు. ఈ పిటిషన్‌ను ఈనెల 24న విచారించేందుకు సీజేఐ చంద్రచూడ్ ధర్మాసనం స్వీకరించింది. మూడు నెలలపైనే అవుతోందని.. బాగా జాప్యం అవుతోందని సుప్రీం కోర్టును ఆశ్రయించారు. ఈనెల 24న సుప్రీంలో విచారణ జరుగనుండగా.. ఈ లోపు ఏపీ హైకోర్టు తీర్పు క్లారిటీ వస్తే పైసుప్రీం కోర్టులో ఈ కేసును పిటిషన్‌ను ఉపసంహరించుకునే అవకాశం కూడా ఉంది.
ఏపీ ప్రభుత్వం రాజకీయ పార్టీల ర్యాలీలకు సంబంధించి జీవో 1ను జారీ చేసింది. సీపీఐ నేత రామకృష్ణ ఈ జీవోను సవాల్ చేస్తూ ఏపీ హైకోర్టును ఆశ్రయించారు. వెకేషన్ బెంచ్ ఈ జీవోపై స్టే ఇవ్వగా.. సీజే బెంచ్ ఆ స్టేను ఎత్తివేసింది.. వెకేషన్ బెంచ్ పరిధిని మించి వ్యవహరించిందని వ్యాఖ్యానించింది. ఈ కేసు అంత అత్యవసరమేమీ కాదని.. కేసు మూలాల గురించి తెలుసుకున్నామన్నారు. ఈ పిటిషన్‌పై విచారణ జరగ్గా.. సీజే బెంచ్ తీర్పును రిజర్వ్ చేసింది. తీర్పు జాప్యం కావడంతో సుప్రీం కోర్టును ఆశ్రయించారు.
|
|