టైమ్స్ నౌ సర్వేలో ఏపీలో వైసీపీ క్లీన్ స్వీప్ పక్కా,,, వైసీపీ నేతల్లో కొత్త జోష్

ఆంధ్రప్రదేశ్‌లో మరోసారి వైఎస్సార్‌సీపీ ప్రభంజనం ఖాయమంటోంది టైమ్స్‌ నౌ సర్వే. ఇప్పటికిప్పుడు లోక్‌సభ ఎన్నికలు జరిగితే వైఎస్సార్‌సీపీకి 24 నుంచి 25 స్థానాలు గెలుస్తుందని టౌమ్స్‌ నౌ–ఈటీజీ సర్వేలో అంచనా వేసింది. ఏపీలో మొత్తం 25 లోక్‌సభ స్థానాలుండగా.. దాదాపు క్లీన్ స్వీప్ ఖాయమంటోంది. దేశవ్యాప్తంగా చూస్తే ప్రధాని మోదీ హవా మళ్లీ కొనసాగుతుందని.. 2024లో కూడా బీజేపీ గెలుపు పక్కా అంటోంది టైమ్స్ నౌ.

దేశవ్యాప్తంగా మోదీ ప్రభంజనం ఉందని.. ఇప్పటికిప్పుడు లోక్‌సభకు ఎన్నికలు జరిగితే బీజేపీ 292 నుంచి 338 సీట్లతో బీజేపీ అతిపెద్ద పార్టీగా అవతరిస్తుందని సర్వేలో వెల్లడించింది. కాంగ్రెస్ పార్టీ 106 నుంచి 144 వరకూ రావొచ్చని అంచనా వేసింది. పశ్చిమబెంగాల్‌లో టీఎంసీకి 20 నుంచి 22, ఏపీలో వైఎస్సార్‌సీపీకి 24 నుంచి 25 సీట్లు వస్తాయని.. ఒడిశాలో బీజేడీకి 11 నుంచి 13 స్థానాలు దక్కుతాయని అంచనావేసింది. ఇతరులు 50 నుంచి 80 స్థానాల్లో గెలుస్తారని తెలిపింది.

బీజేపీ కూటమికి 38.2 శాతం, కాంగ్రెస్‌ కూటమికి 28.7, ఇతరులకు 33.1 శాతం ఓట్లు వస్తాయని అంచనా వేశారు. సర్వేలో పాల్గొన్న వారిలో 42 శాతం మంది బీజేపీ కూటమి 300కు పైగా స్థానాలు గెలుస్తుందని అభిప్రాయపడ్డారు. 26 శాతం మంది కష్టమని.. 19 శాతం మంది ఎన్నికల నాటికి స్పష్టత వస్తుందని.. 13 శాతం ఏమీ చెప్పలేమని అభిప్రాయాన్ని వ్యక్తం చేశారు. మోదీ పాలన తీరుపై 51 శాతం మంది అత్యంత సంతృప్తికరం వ్యక్తం చేశారు.

దేశంలోనే శక్తిమంతమైన ప్రధాని అభ్యర్థిగా మోదీకి 64 శాతం.. రాహుల్‌ గాంధీకి 13, కేజ్రీవాల్‌కు 12, నితీశ్‌కు 6, కేసీఆర్‌కు 5 శాతం మంది ఓట్లు వేశారు. 2024 ఎన్నికలకు ప్రతిపక్షాల కూటమికి సారథిగా రాహుల్‌కు 29 శాతం, కేజ్రీవాల్‌కు 19, మమతకు 13, నితీశ్‌కు 8, కేసీఆర్‌కు 7 శాతం మంది జై కొట్టారు.  ప్రతిపక్షాల కూటమి మోదీకి పోటీ ఇవ్వగలదా అంటే.. 49% మంది నో చెప్పారు.. 37% మంది పోటీ ఇవ్వగలదని అభిప్రాయాన్ని చెప్పారు. 15% మంది మాత్రం తటస్థంగా ఉన్నారు. 31%మంది ప్రతిపక్షాలన్నీ కూటమి కట్టే అవకాశం ఉందంటే.. ప్రతిపక్ష కూటమికి అవకాశమే లేదని 26% మంది అన్నారు. ఎన్నికల తర్వాత పొత్తుకు అవకాశం ఎక్కువని 26 శాతంమంది చెప్పారు. 17 శాతం అభిప్రాయాన్ని చెప్పలేదు. అనర్హత వేటు రాహుల్ గాంధీకి లాభిస్తుందా అంటే.. 39% మంది నో అన్నారు. 23 శాతం మంది ప్రజలు రాహుల్‌కు సానుభూతి వస్తుందని చెప్పారు. మరో 11 శాతం మంది ఎలాంటి ప్రభావం చూపదు అన్నారు.