లాలూ, సోనియా గురించి రాహుల్ గాంధీ కీలక విషయాలు వెల్లడి

కాంగ్రెస్ పార్టీ కీలక నేత రాహుల్ గాంధీ.. ఇటీవల ఓ యూట్యూబ్ ఛానెల్‌కు ఇంటర్వ్యూ ఇచ్చారు. ఇందులో చాలా ఆసక్తికర విషయాలను చెప్పారు. తన ఆహారపు అలవాట్ల గురించి చెప్పిన రాహుల్.. సోనియా, లాలూ గురించి ఇంట్రెస్టింగ్ కామెంట్స్ చేశారు. బీహార్ మాజీ ముఖ్యమంత్రి లాలూ ప్రసాద్ యాదవ్.. మంచి ఆహారాన్ని తయారు చేస్తారని వెల్లడించారు.

గాంధీ కుటుంబంలో మంచి వంట మనిషి గురించి అడిగినప్పుడు.. తన తల్లి సోనియా గాంధీ బెస్ట్ కుక్ అని కితాబిచ్చారు. తన సోదరి ప్రియాంక గాంధీపై సెటైర్లు వేశారు రాహుల్ గాంధీ. తన తల్లి సోనియా ఎంత మంచి వంట చేసినా.. ప్రియాంకకు అది ఇష్టం ఉండేది కాదన్నారు. ప్రియాంక గాంధీ కూడా వంటల విషయంలో కుటుంబంలో రెండో స్థానంలో నిలుస్తుందని చెప్పారు.

కేదార్‌నాథ్ ఆలయ పరిసరాల్లో భారీ హిమపాతం

రాహుల్ గాంధీ 2019 పరువు నష్టం కేసులో దోషిగా తేలడంతో.. లోక్‌సభ సభ్యునిగా అనర్హత వేటు పడింది. ఆ తర్వాత గడువు ముగిసే సమయానికి చివరి రోజు 12న ఢిల్లీలోని తుగ్లక్ లేన్‌లోని అధికారిక బంగ్లాను ఖాళీ చేశారు. 2005 నుంచి కాంగ్రెస్ రాహుల్ ఆ ఇంట్లోనే ఉంటున్నారు. నిబంధనల ప్రకారం.. అనర్హత వేటు పడిన ఎంపీ.. ప్రభుత్వ వసతికి అర్హులు కారు. అనర్హత వేటు వేసిన ఒక నెలలోపు దానిని ఖాళీ చేయాలి.

రాహుల్ గాంధీ తన సోదరి, కాంగ్రెస్ ప్రధాన కార్యదర్శి ప్రియాంక గాంధీ వాద్రాతో కలిసి శనివారం ఉదయం నుంచి రెండు సార్లు బంగ్లాను సందర్శించారు. చివరి సారిగా తన అధికారిక నివాసం నుంచి బయలుదేరిన రాహుల్ గాంధీ మీడియా ప్రతినిధులతో మాట్లాడుతూ.. నిజం మాట్లాడినందుకు తనకు ఈ శిక్ష వేశారని వ్యాఖ్యానించారు. అయినా తాను నిజాలు మాట్లాడుతూనే ఉంటానని స్పష్టం చేశారు.