ఎమ్మెల్యే కేతిరెడ్డి ఫ్లెక్సీకి ఫ్లయింగ్ కిస్సులు ఇస్తూ జే.సీ.ప్రభాకర్ రెడ్డి సెటైర్లు
Andhra Pradesh Telugu | Suryaa Desk | Published : Sun, Apr 30, 2023, 10:32 PM
అనంతపురం జిల్లాలోని తాడిపత్రి పట్టణంలో ఫ్లెక్సీలు వెలసిన పరిణామం ఆ నియోజకవర్గంలో ఉద్రిక్త పరిస్థితులకు దారి తీస్తోంది. తాజాగా నియోజకవర్గంలో మరోసారి ఫ్లెక్సీల వార్ మొదలైంది. డీజిల్ దొంగ ఎవరంటూ జేసీ ప్రభాకర్ రెడ్డికి వ్యతిరేకంగా ఎమ్మెల్యే కేతిరెడ్డి పెద్దారెడ్డి వర్గీయులు ఫ్లెక్సీలు ఏర్పాటు చేశారు. ఈ ఫ్లెక్సీలపై మాజీ ఎమ్మెల్యే జేసీ ప్రభాకర్ రెడ్డి స్పందించారు. కేతిరెడ్డి పెద్దారెడ్డి ఫొటో చూపుతూ ఇద్దరం దొంగలమేనని అన్నారు. ప్రజల సొమ్ము దోచుకున్న పెద్దారెడ్డి అంటూ ఫ్లెక్సీకి ప్రభాకర్ రెడ్డి ముద్దులు పెట్టారు. ప్రజల మనసు దొచుకున్న గజదొంగ తానే అంటూ ప్రభాకర్ రెడ్డి చొక్కా విప్పి తన గుండెను చూపించారు.
'నువ్వు, నేను ఇద్దరూ దొంగలే.. నువ్వు గజదొంగ.. ప్రజల సొమ్మును దొచుకున్న గజదొంగ నువ్వు.. నేను తాడిపత్రి ప్రజల మనసును దోచుకున్న దొంగను.. నా గుండె ఎప్పుడూ తాడిపత్రి.. తాడిపత్రి అనే కొట్టుకుంటుంది. ఒకసారి చూడరా బుడ్డోడా.. నువ్వు తాడిపత్రి మొత్తాన్ని దోచేస్తున్నావ్.. నీకు సిగ్గు లేదా..? రెండు సంవత్సరాలు కోవిడ్ వచ్చింది.. ఆ సమయంలో డీజిల్ ఏం చేశారో సమాధానం చెప్పు? గజదొంగా.. ఎన్ని ఫ్లెక్సీలు వేయించినా నిన్ను జనం నమ్మరు. ఇంకా ఏడాది ఉంది.. దోచుకో దాచుకో.. నా గుండెల్లో తాడిపత్రి తప్ప మరొకటి లేదు' అంటూ జేసీ ప్రభాకర్ రెడ్డి ఆరోపించారు.
|
|