కారులో చిక్కుకున్న బాలిక,,,ఊపిరాడక ప్రాణాలు కోల్పోయిన
Andhra Pradesh Telugu | Suryaa Desk | Published : Mon, May 01, 2023, 07:45 PM
కాకినాడ జిల్లాలో కాజులూరు మండలం కోలంకలో కారులో ఊపిరాడక ఎనిమిదేళ్ల బాలిక అఖిలాండేశ్వరి ప్రాణాలు కోల్పోయింది. పాప ఇంటి సమీపంలో ఆటలు ఆడుకుంటూ ఉంది.. ఆ దగ్గరలోనే ఉన్న కారులోకి వెళ్లి డోర్ వేసుకుంది. ఆ పాప మళ్లీ డోర్ తీయలేకపోవడంతో ఊపిరి ఆడక ఇబ్బందిపడింది.. బాలికను కొద్దిసేపటి తర్వాత బాలికను గుర్తించిన స్థానికులు యానాం ఆసుపత్రికి తరలిస్తుండగా చనిపోయింది.
బాలిక తండ్రి ఏడాది క్రితం ప్రాణాలు కోల్పోవడంతో.. బాలికతో పాటు, పదేళ్ల కొడుకును పాచి పనులు చేసుకుంటూ తల్లి ఆదిలక్ష్మి పోషించుకుంటోంది. కూతురి మరణంతో తల్లి కన్నీళ్లు పెట్టుకుంది. కారు డోర్లు లాక్ కావడం.. ఎవరూ గమనించకపోవడంతో ఘోరం జరిగింది. స్థానికుల సమాచారంతో విషయం తెలుసుకున్న పోలీసులు ఘటనా స్థలాన్ని పరిశీలించారు. ఈ ఘటన స్థానికంగా తీవ్ర విషాదాన్ని నింపింది. ఇలాంటి ఘటనలు మరోసారి జరగకుండా.. పిల్లలు ఉండే ప్రాంతంలో కారు పార్కింగ్, డోర్ లాక్ విషయంలో జాగ్రత్తలు అవసరం.
|
|