ఆదోనిలో జేబు దొంగలు అరెస్ట్
Andhra Pradesh Telugu | Suryaa Desk | Published : Fri, May 05, 2023, 05:32 PM
రద్దీగా ఉన్న ప్రాంతాల్లో దొంగతనాలకు పాల్పడుతున్న జేబుదొంగలను ఆదోని త్రీటౌన్‌ పోలీస్‌ స్టేషన్‌ పోలీసులు అరెస్టు చేశారు. గురువారం సీఐ శ్రీరామ్‌ మాట్లాడుతూ గత నెల 19వ తేదీన నారా లోకేష్‌ ములుగుందం పాదయాత్రలో తమ జేబులోని డబ్బులను దొంగలించినట్లు బాధితులు పెద్దయ్య, ఉసేని, బసిరెడ్డి తమకు ఫిర్యాదు చేశారన్నారు. దర్యాప్తు చేయగా ఎరికాలప్ప, మల్లికార్జున, పెద్దన్న, చిన్న సుంకయ్య, వెంకటేష్‌తో పాటు మరో నలుగురిని అరెస్టు చేశామన్నారు. వీరంతా బొమ్మల వ్యాపారం, వెంట్రుకలు, పందుల వ్యాపారం చేసేవారన్నారు. వచ్చిన ఆదాయంతో జల్సాలకు పాటుపడుతూ, విలాసాలకు అలవాటుపడి ఆదాయం సరిపోకపోవడంతో పిక్‌పాకెట్‌ దొంగలుగా మారారన్నారు. 9 మంది జేబుదొంగలను అరెస్టు చేసి వారి వద్ద నుంచి రూ.4 లక్షలను స్వాధీనం చేసుకొని సీజ్‌ చేశామని తెలిపారు. వారి పై కేసు నమోదు చేసి రిమాండ్‌కు తరలించినట్లు తెలిపారు.
|
|