తాటిపర్తి చెక్పోస్ట్ ను పరిశీలించిన డీఎస్పీ సుబ్బరాజు
Andhra Pradesh Telugu | Suryaa Desk | Published : Sat, May 06, 2023, 11:47 AM
అనకాపల్లి డిఎస్పి సుబ్బరాజు శుక్రవారం సాయంత్రం మాడుగుల మండలం తాటిపర్తి పోలీస్ చెక్ పోస్ట్ ను ఆకస్మికంగా సందర్శించి వివిధ వాహనాలను స్వయంగా తనిఖీ చేశారు. గంజాయి అక్రమ రవాణాకు అడ్డగా మారిన విశాఖ ఏజెన్సీ ప్రాంతం నుండి ఈ చెక్ పోస్ట్ మీదుగా వాహనాలు రాకపోకలు జరుగుతుంటాయి. అనేకసార్లు వేల కేజీల గంజాయి ఈ ప్రాంతంలో పట్టుబడింది. అనేక వాహనాలు సిజ్ చేయబడ్డాయి. ఎంతోమంది అరెస్టు అయ్యారు. అయినప్పటికీ పరిస్థితి చక్కబడడం లేదు. శతకోటి దరిద్రాలకు అనంతకోటి ఉపయలు అన్నట్టు అక్రమ రవణాదారుడు ఏదో రూపంలో మరోదారులైన ఎంచుకొని రవాణా సాగిస్తున్నాడు. ఈ నేపథ్యంలో డిఎస్పి సుబ్బరాజు ఆకస్మిక పర్యటన జరిపి రాకపోకలు సాగిస్తున్న వాహనాలను తనిఖీ చేసి వాహనదారులతో మాట్లాడారు. ఈ సందర్భంగా తాటిపర్తి చెక్పోస్ట్ వద్ద సిబ్బందికి మరిన్ని సూచనలు చేస్తూ అక్రమ రవాణా పట్ల మరింత అప్రమత్తంగా ఉండి నిఘా పెంచాలని ఆదేశించినట్లు తెలిసింది. డీఎస్పీ వెంట మాడుగుల ఎస్సై దామోదర్ నాయుడు సిబ్బంది ఉన్నారు.
|
|