ట్రెండింగ్
క్రీడకారులని అష్టకష్టాలు పెట్టిన ట్రావెల్స్ బస్సు
Andhra Pradesh Telugu | Suryaa Desk | Published : Sat, May 06, 2023, 02:35 PM
గుంటూరు జిల్లాలోని లాలుపురం జాతీయ రహదారిపై ట్రావెల్స్ బస్సు నిలిచిపోయింది. తిరుపతి నుంచి విశాఖపట్నం వెళ్తున్న చెర్రీ ట్రావెల్స్ బస్సు అర్ధరాత్రి హైవేపై ఆగిపోయింది. బస్సులో వెయిట్ లిఫ్టర్ పూజారి శైలజా బృందం ప్రయాణిస్తోంది. తిరుపతిలో సీఎం కప్ ట్రోఫీలో పాల్గొన్న క్రీడకారులు అక్కడి నుంచి వైజాగ్ బయలుదేరారు. ఇందుకోసం క్రీడాకారులు చెర్రీ ట్రావెల్స్ బస్సు ఎక్కారు. అయితే సాంకేతిలోపంతో బస్సు నడిరోడ్డుపై నిలిచిపోవడంతో... అర్ధరాత్రి నుంచి క్రీడాకారులతో పాటు ప్రయాణికులంతా రోడ్డుమీదే పడిగాపులు కాస్తున్న పరిస్థితి. బస్సు నిలిచిపోయిందని.. ప్రత్యామ్నాయం ఏర్పాటు చేయాలని ట్రావెల్స్ నిర్వాహకులకు ఎన్ని సార్లు ఫోన్ చేసినప్పటికీ స్పందించడం లేదని ప్రయాణికులు చెబుతున్నారు. ట్రావెల్స్ నిర్వహకుల తీరుపై ప్రయాణీకులు తీవ్ర ఆగ్రహం వ్యక్తం చేస్తున్నారు.
|
|