ట్రెండింగ్
మంగళగిరిలో పోలీసుల దాడులు 9 క్వింటాళ్ల రేషన్ బియ్యం స్వాధీనం
Andhra Pradesh Telugu | Suryaa Desk | Published : Sun, May 07, 2023, 09:21 AM
మంగళగిరి నగర పరిధి పెదవడ్లపూడిలోని ఓ నివాస గృహంలో అక్రమంగా నిల్వ ఉంచిన రేషన్ బియ్యాన్ని మంగళగిరి రూరల్ పోలీసులు శనివారం స్వాధీనం చేసుకున్నారు. రూరల్ పోలీసులు తెలిపిన వివరాల మేరకు మంగళగిరి నగర పరిధిలోని పెదవడ్లపూడికి చెందిన కట్టా దుర్గారావు నివాసంలో రేషన్ బియ్యం పెద్ద ఎత్తున అక్రమంగా నిల్వ ఉంచారనే పక్కా సమాచారంతో రూరల్ ఎస్ఐ రమేష్ బాబు తన సిబ్బందితో కలిసి శనివారం ఆకస్మిక దాడి నిర్వహించారు. ఈ దాడుల్లో 24 మూటల్లో ఉన్న 9 క్వింటాళ్ల రేషన్ బియ్యాన్ని స్వాధీనం చేసుకుని నిందితుడు దుర్గారావును అదుపులోకి తీసుకొని కేసు నమోదు చేసి దర్యాప్తు చేస్తున్నట్లు తెలిపారు.
|
|