బుజ్జగించి తల్లిని ఆఫీసుకు పంపిన బుడ్డోడు,,,నెట్టింట తెగ వైరల్ అవుతున్న ఇన్‌స్టా వీడియో
international | Suryaa Desk | Published : Mon, May 08, 2023, 10:17 PM
సోషల్ మీడియా వచ్చాక ప్రపంచంలో ఎక్కడ ఏం జరిగినా ఇట్టే తెలిసిపోతోంది. శని, ఆదివారాలు ఆఫీసులకు సెలవులు ఉంటాయి. ఆ రోజుల్లో అందరూ ఫ్యామిలీతో కలిసి ఎంజాయ్ చేస్తారు. ఇక సోమవారం తెల్లారిందంటే.. అబ్బా.. మళ్లీ ఆఫీసుకు వెళ్లాలా.. అని నిట్టూరుస్తుంటారు. అలాగే ఓ మహిళ ఆఫీసుకు వెళ్లలేక.. 'నేను ఆఫీసుకు వెళ్లను' అని తన కొడుకు మీద పడి ఏడుస్తుంది. అప్పుడు ఆ బుడతడు చేసిన పని అందర్నీ ఆకట్టుకుంది.
రెండేళ్ల బాలుడు తన తల్లిని ఆఫీస్‌కు వెళ్లమని బుజ్జగించిన వీడియో.. ఇప్పుడు నెటిజన్ల మనసులను దోచుకుంది. ఎంతో మంది హృదయాలను గెలుచుకుంది. తియాసా భోవల్ అనే మహిళ.. 'ముజే ఆఫీస్ నహీ జానా' అని తన కుమారుడికి చెబుతుంది. అప్పుడు చిన్న పిల్లవాడు యువన్ష్ భరద్వాజ్‌.. 'చుప్ హో జావో చుప్.. ఆఫీస్ తో జానా హీ పడ్తా హై' అని బుజ్జగిస్తాడు.
లడఖ్‌లో అరుదైన అరోరా
వీరిద్దరి మధ్య జరిగిన సంభాషణను వీడియో తీసి ఇన్‌స్టాగ్రామ్‌లో పోస్టు చేశారు. ఈ వీడియోను ఇప్పటికే 7 మిలియన్ల మందికి పైగా వీక్షించారు. ఈ వీడియో చాలా అందంగా ఉందని.. దీన్ని పదే పదే చూడాలనిపిస్తోందని.. నెటిజన్లు కామెంట్స్ చేస్తున్నారు. 'వావ్.. బుడ్డోడు ఎంత క్యూట్‌గా చెబుతున్నాడు' అని యువన్ష్ భరద్వాజ్‌‌పై ప్రేమను కురిపిస్తున్నారు.
|
|